Foto: BQO ákiminiń baspasóz qyzmeti
Qalada jylyna shamamen 53 mln jolaýshy tasymaldanady. Qoǵamdyq kólik qyzmetin jaqsartyp, turǵyndardyń jol júrýine qolaıly jaǵdaı jasaý maqsatynda ótken jyly qalalyq tasymaldaýshylar 34 birlik jańa avtobýs satyp alsa, bıyl taǵy 19 jańa avtobýs jelige qosyldy.
Osynyń nátıjesinde eskirgen qoǵamdyq kóliktiń mólsheri 32%-dan 22%-ǵa deıin qysqardy.
Jańa qoǵamdyq kólikterde avtobýstardyń júrý baǵytyn bilýge arnalǵan GPS qurylǵy bar. Sol arqyly jolaýshy óz smartfonynan qajetti avtobýstyń qaı jerde kele jatqanyn «kóre» alady. Sondaı-aq bul avtobýstarda arbaǵa arnalǵan pandýs, LED-ekran, dezınfeksııa úshin ýltrakúlgin lampa jáne beınebaqylaý qurylǵysy ornatylǵan.
Áleýmettik mańyzy bar marshrýttarda tasymal shyǵynyn sýbsıdııalaýdyń paıdasy kóp. Jyl saıyn qalalyq kásiporyndarǵa bıýdjetten bólinetin sýbsıdııa kólemi artyp keledi. Qazir barlyq marshrýtta jolaqy tóleýdiń elektrondy júıesi engizildi. Sonyń arqasynda bıýdjetke salyq túsimi eselep artqan.
Batys Qazaqstan oblysy
