Ońtústik Qazaqstanda esi kem áıel 6 jasar qyzdy óltirip qoıdy

ASTANA. 4 aqpan. Ońtústik Qazaqstan oblysynda psıhıkalyq aýrýmen aýyratyn bir áıel týys sińlisin óltirip tastady. Bul týraly prokýratýra málimetine silteme jasaǵan Times.kz habarlady. Ordabasy aýdanynyń ortalyǵy Temirlan selosynda bolǵan oqıǵa estigen jandy esten tandyrdy. Psıhıkalyq dertpen aýyratyn áıel 6 jasar týys sińlisiniń basyn kesip alǵan. «Redaksııanyń quzyrynda quqyq qorǵaý organdary qyzmetkerleriniń osy oqıǵany tekserý barysynan túsirip alǵan beınejelisi bar.onda bassyz qalǵan balanyń denesi aq jamlyǵyna oryn jatyr. Al basty polıetılen qaltadan alyp shyǵarady. Jazbada óltirilgen qyzdyń týý týraly kýáligi kórsetiledi. Qujatta onyń qyz bala, aty Erkejan ekeni jazylǵan», - dep baıandaıdy basylym. Balanyń óltirilý faktisi bolǵanyn Ońtústik Qazaqstan oblystyq prokýratýrasyndaǵylar rastady. Olar 2008 jylǵy 31 qańtarda týǵan qyzdyń Ordabasy aýdany Temirlan kentinde óltirilgenin jetkizdi. Tergeýdiń boljasy boıynsha, aqyly kem áıel aldymen qyzdy óltirgen, basyn sodan keıin kesip alǵan. Qazirgi tańda qylmysty jasady degen kúdik tańylǵan áıeldi eriksiz emdeý oryndaryna aparyp, emdetý joldary qarastyrylyp jatyr. Qurysh Nurymbet. Derek, foto: Times.kz.