Sýret: dknews.kz
Turaqty damý – álem men resýrstarǵa jaýapkershilikpen qaraý fılosofııasy, al ESG – turaqty damýǵa jaýapty tásilder arqyly úles qosýǵa múmkindik beretin qural. Turaqty damý týraly esep berý standarttarynyń sany jyl saıyn ósip keledi. Olardyń ishinde Global Reporting Initiative Standards erekshe kózge túsedi. ESG tájirıbeleri boıynsha Qazaqstanda júrgizilgen salalyq saýalnama derekteri boıynsha, bul standartpen 86% kompanııa jumys isteıdi (2023 jyly – 62%).
Bul ne úshin qajet?
Jahandyq jylynýǵa úles qosatyn faktorlardyń úshten birinen astamy atmosferada jylýdy CO2-ge qaraǵanda áldeqaıda kúshti ustap turatyn parnıktik gaz, ıaǵnı metan shyǵaryndylaryna tıesili. Metan – tabıǵı gazdyń negizgi komponenti, al munaı-gaz ónerkásibi metan shyǵaryndylarynyń iri ónerkásiptik kózi.
ESG esebiniń mazmuny – KPO mysalynda
«Qarashyǵanaq Petroleým Opereıtıng B.V.» Qazaqstandyq fılıaly – 1998 jyly Nıderlandta tirkelgen halyqaralyq munaı-gaz kompanııasy. Kompanııa BQO kómirsýtek resýrstaryn barlaý jáne óndirýmen aınalysady. Sonymen qatar 2008 jyldan beri turaqty damý salasyndaǵy qyzmeti týraly esep berip keledi.
Ekologııalyq standarttar
ESG standarttarynyń negizgi basymdylyǵy ekologııalyq quramdas bólikke berilgen. 2023 jyly kompanııa 2037 jylǵa deıingi Ekologııalyq tujyrymdamany ázirlep, ony KPO-nyń Jasyl strategııasy men «KPO 365» bıznes-strategııasynyń negizine qosty.
Strategııa bes negizgi baǵytty qamtıdy: parnıktik gaz shyǵaryndylaryn azaıtý, energetıkalyq strategııa, ótemdik strategııa, sý resýrstaryn basqarý jáne qaldyqtardy basqarý. Ekologııalyq aspektilerdi basqarý úshin KPO EnvAR sıfrlyq júıesin qoldanady.
Adam qundylyǵy
Adam kapıtalynyń damýy jáne qaýipsiz ári salamatty jumys ortasyn qurý – ESG talaptarynyń negizgi quramdas bóligi. 2023 jyldyń sońyndaǵy málimetterge súıensek, KPO-da 4080 adam jumys istedi. Qyzmetkerlerdiń barlyq sanaty boıynsha jalaqynyń ortasha ósýi 13%-dy qurady, al jergilikti kadrlardyń úlesi tehnıkalyq laýazymdarda 98%-ǵa, basqarýshylyq laýazymdarda 86%-ǵa jetti.
Tolyǵyraq aqparat – KPO ESG 2023 esepte: «Dıalog jáne seriktestik arqyly turaqty damý».
«Qarashyǵanaq Petroleým Opereıtıng B.V.»
baspasóz qyzmeti
