Salyǵy men salymy kóp bankter

Kósh basynda – «Kaspi.kz»

Eń iri salyq tóleýshi – «Kaspi.kz». 2023 jyldyń qorytyndysynda olar­dyń salyq aýda­rymdary 230 mlrd teńgeden asqan. «Kaspi.kz» qura­my­na qyzmetin el aýmaǵynda júzege asyratyn 11 enshiles uıym kiredi (sheteldik «enshilesteri» belgili sebeptermen esepke alynbady). Ekinshi orynda – «Halyk Bank». Olar enshiles uıymdarymen birigip byltyr 222 mlrd teńge salyq tólegen. «Kaspi.kz» pen «Halyk» tólegen salyqtyń jal­py somasy 450 mlrd teńgeni nemese elimizdegi eń iri 12 bank tólegen barlyq salyqtyń 64%-yn qurady.

Úzdik úshtikti BCC toby aıaqtap tur. «SentrKredıt Banki» jáne tórt «enshilesi» 64,6 mlrd teńge bergen. Alǵashqy bestikke «Otbasy bank» (38,4 mlrd teńge) jáne «Eýrazııalyq Bank» toby (37,8 mlrd teńge) kirdi.

Qazandaǵy jaǵdaı boıynsha ekin­shi deńgeıdegi bank aktıvteriniń soma­sy bir jylda 21,4%-ǵa, 58,1 trln teń­ge­ge deıin ósti. Bes jyldyq kezeńde ak­tıv­ter birden 2,2 ese ósti. Sonymen qatar EDB aktıvteriniń eldiń ishki jalpy ónimine araqatynasy bir jylda 43,1%-dan 46,5%-ǵa deıin artty.

Salymdar 16%-ǵa ulǵaıdy

«Ranking.kz» saıtynyń málim­de­ýin­she, bul turǵyda elimiz­degi tek 14 bank oń dınamıka kórsetken. Qalǵan 7 EDB mundaı nátıjege jete almady. Bıylǵy qarashada bıznestiń salymy 16,6 trln teńgeni qurady, bul 2023 jyldyń dál osyn­daı kezeńimen salystyrǵanda 15,7%-ǵa kóp. Bul turǵyda EDB-nyń barlyǵy ósim kórsete almady: eli­miz­degi tek 14 bank oń dınamıka kór­setse, 7 qarjy ınstıtýty teris kórset­­kishterge ıe.

Zańdy tulǵalar salymynyń ósimi boıynsha «Bereke Bank» kósh­basshy atandy, bir jylda qarjy 50,4%-ǵa, 770,8 mlrd teńgege deıin ósti. Ekinshi orynǵa «Shınhan Bank Qazaqstan» ornalasty: bir jylda salym mólsheri 46,8%-ǵa, 685,2 mlrd teńgege deıin ósken. Úzdik úshtikti «ForteBank» túıindedi, salymdar 38,1%-ǵa, 1,9 trln teńgege deıin kóbeı­di. Bıznes salymdarynyń ósimi boıynsha alǵashqy bestikke «Sentr­Kredıt Banki» (+31,3%-ǵa) jáne «Kaspi Bank» (+29,1%) te endi.

Aktıv alǵa jyljydy

Bıyl qarasha aıyna qaraı otandyq bankterdiń aktıvteri 58,5 trln teńgege jetti. Bul bir aı burynǵy kórsetkishke qaraǵanda 0,6%-ǵa kóp. Kórsetkishtiń jyldyq ósimi – 20,8%. Aktıvterdi ustaýshy bankterdiń úzdik ondyǵy arasynda aılyq dınamıka boıynsha 5 EDB ǵana oń kórsetkish kórsetti, al jalpy sektor boıynsha tek 9 bank bar. Bir aılyq ósimde «Bank RBK» kósh bastap tur. О́sim 3,8%-ǵa, 2,3 trln teńgege deıin artty. Bir jyl ishinde bank aktıvteri birden 28,1%-ǵa ósti. Qarjy ınstıtýtynyń nesıe portfeli 1,3 trln teńgege jetti, bir aıda 0,9%-ǵa, bir jylda 38%-ǵa ulǵaıdy. Bank kredıtteriniń jalpy kólemindegi NPL 90+ úlesi bar bolǵany 3,1%-dy qurady (bir jyl buryn – 3,3%).

Úzdik EDB arasynda aktıvterdiń aı saıynǵy ósimi boıynsha ekinshi oryndy «Kaspi Bank» ıelendi ósim 3,3%-ǵa, 7,7 trln teńgege deıin artty. Osy kezeńde banktiń nesıe portfeli 3,8%-ǵa kóbeıdi. NPL 90+ úlesi – 4,9%. Úzdik úshtikti «SentrKredıt Banki» túıindedi, aktıv qorjyny 2,7%-ǵa, 6,2 trln teńgege deıin tolyqty. Kredıttik portfeli bir aıda 1,7%-ǵa ósti, al ondaǵy NPL 90+ úles salmaǵy 1,5%-dy qurady. Sondaı-aq «Halyk Bank» (1,4% ósimmen) jáne «Freedom Bank» (1% ósimmen) bir aıda oń nátıjege qol jetkizdi. Aktıvter boıynsha úzdik ondyqqa enbeıtin EDB arasynda «Bank VTB Qazaqstan», Qytaı saýda ónerkásip banki, «Nurbank» jáne «Home Credit Bank» aı saıynǵy kórsetkishter bo­ıynsha oń dınamıkaǵa shyqty.

EDB-nyń jıyntyq nesıe port­fe­li qarasha aıyna qaraı 33,8 trln teńgege jetti, bul bir aı buryn­ǵy kór­setkishke qaraǵanda 1,2%-ǵa jáne bir jyl burynǵy kórsetkishke qaraǵanda, 20,4%-ǵa kóp.