Foto: Densaýlyq saqtaý mınıstrligi
Densaýlyq saqtaý mınıstrliginiń málimetinshe, Aqtaý mańyndaǵy ushaq apatynan zardap shekken Ázerbaıjannyń úsh azamaty Mańǵystaý oblystyq aýrýhanasynyń jansaqtaý bóliminde 6 kún emdelgennen keıin arnaıy ushaqpen otanyna jetkizildi.
Naýqastardyń bireýi mehanıkalyq jeldetýden, vazopressordan jáne dárilik sedasııadan ajyratylǵan. Basqa eki zardap shekken naýqastarda vazopressordyń dozasy eń tómengi dozaǵa deıin tómendetilgen.
«Qaıǵyly oqıǵadan keıin dárigerlerdiń bilikti is-qımylynyń arqasynda kelip túsken barlyq pasıentterdiń jaǵdaıynyń dınamıkasy turaqtandyryldy, nasharlaý baıqalmady. Apattan zardap shekken 29 adamnyń 27-si Mańǵystaý oblystyq aýrýhanasyna, eki bala oblystyq balalar aýrýhanasyna jetkizilgen», delingen habarlamada.
Esterińizge sala keteıik, 25 jeltoqsan kúni Aqtaýda Bakýden Groznyıǵa baǵyt alǵan Ázerbaıjan áýe kompanııasyna tıesili ushaq apatqa ushyraǵan bolatyn.
