Foto: ashyq derekkóz
«Úkimettiń mindeti – ekonomıkanyń ósimin qamtamasyz etý jáne azamattardyń ál-aýqatyn jaqsartý. Jalpy alǵanda, Mınıstrler kabıneti bul mindetin oryndap otyr. Ekonomıkany ártaraptandyrý, óńdeý ónerkásibin damytý, ınfraqurylymdy jańǵyrtý sııaqty baǵyttar boıynsha byltyr atqarylǵan jumystyń nátıjeleri jaman emes. Alaıda bári minsiz deýge kelmeıdi, problemalar da bar», dedi Prezıdent suhbat barysynda.
Memleket basshysy mınıstrlerden neǵurlym tıimdi jumys isteýdi jáne sheshim qabyldaǵanda batyl bolýdy únemi talap etetinin tilge tıek etti. Sebebi qoǵam da Úkimettiń jumysyna joǵary talap qoıady.
«Bul – óte oryndy ári qalypty jaǵdaı. Sondyqtan Úkimettiń jumysy naqty nátıjege oraı, ádil baǵalanady. Basty kórsetkish – azamattardyń turmys sapasy. Ekonomıkadaǵy jetistikter adamdardyń kúndelikti ómirine oń áserin tıgizbese, ony ánsheıin sóz júzindegi jetistik deýge bolady.
Jýyq arada Úkimettiń keńeıtilgen otyrysy ótedi. Sol kezde jyldy qorytyndylap, qazirgi máselelerdi talqylap, jańa josparlar jasaımyz. Qazaqstanǵa ekonomıkanyń 4 paıyzdyq ósimi azdyq etetini anyq. Bul týraly shetel ókilderine de aıtyp júrmin. Úkimet ekonomıkany barynsha damytý úshin tyń tásilder tabýǵa tıis», dedi Qasym-Jomart Toqaev.
