Foto: Ashyq derekkóz
Memleket basshysy ádildik barlyq elde jáne barlyq zamanda halyqtyń qalaýy bolǵanyn tilge tıek etti. Munyń Qazaqstanǵa da qatysy bar ekenin, sondaı-aq, qasiretti oqıǵaǵa deıin bizde ádildik deńgeıi óte tómen bolǵany ras ekenin aıtty.
«Ádildik – bárin teńestirý degen sóz emes. Meniń el baılyǵyn ádil bólý týraly ustanymym menshik ıelerin múlkinen túgel aıyryp, aktıvterdi qaıta bólý degendi bildirmeıdi. Biz ishten irýge jáne júgensizdiktiń beleń alýyna ákep soqtyratyn mundaı jolmen júrmeımiz. Sondyqtan kezinde baz bireýlerge orynsyz berilgen artyqshylyqtar men jeńildikterdi alyp tastaý, zańsyz alynǵan aktıvterdi memleketke qaıtarý – popýlıstik qadam emes, kerisinshe, ádildik qaǵıdasy negizinde Qazaqstandy jańǵyrtý strategııasy», dedi Qasym-Jomart Toqaev.
Aıta keteıik, zańsyz alynǵan qarajat esebinen 2022 jyldan beri memleket qazynasyna 2 trıllıon teńgeden astam (4,1 mıllıard dollar) qarajat túsken.
«Ádiletti memleket degenimiz – quqyqtyq memleket. Onda azamattardyń bári zań aldynda teń bolady, zańdardy, erejelerdi jáne normalardy qatań saqtaı otyryp, jalpyǵa birdeı múmkindikterdi tolyq paıdalana alady. Aıtpaqshy, zańsyz alynǵan qarjy jáne basqa da aktıvterdi qaıtarýǵa qatysty jumystyń nátıjesinde 2022 jyldan beri memleket qazynasyna 2 trıllıon teńgeden astam (4,1 mıllıard dollar) qarajat tústi. Bul qarjy mektepter men mańyzdy ınfraqurylym nysandaryn salýǵa jáne ózge de áleýmettik mindetterdi oryndaýǵa jumsalyp jatyr. Ádildik degenimiz osy emes pe?», dedi Memleket basshysy.
