Foto: Egemen.kz|Erlan Omar
Budan bólek Memleket basshysynyń tapsyrmasy boıynsha 2023 jyldan bastap bes jyl ishinde eń tómengi bazalyq zeınetaqyny eń tómen kúnkóris deńgeıiniń 70 %-na deıin, eń joǵary – 120 %-ǵa deıin jyl saıyn kezeń-kezeńimen arttyrý jalǵasady.
Máselen, 2025 jylǵy 1 qańtardan bastap bazalyq zeınetaqynyń eń tómen mólsheri eń tómen kúnkóris deńgeıiniń 65%-nan 70%-ǵa deıin ulǵaıtyldy. Bul mólsher 32 360 teńgeni qurap, onyń eń joǵary mólsheri eń tómen kúnkóris deńgeıinen 105-ten 110%-ǵa deıin arttyrylyp, 50 851 teńgeni quraıdy.
«Mysaly, 2019 jyly zeınetke shyqqan 69 jastaǵy zeınetkerdiń 2024 jyly bıýdjetten tólenetin zeınetaqy mólsheri 156 856 teńgeni qurady, onyń ishinde bazalyq zeınetaqy tólemi – 45 578 teńge, yntymaqty zeınetaqy – 111 278 teńge. 2025 jylǵy 1 qańtardan bastap ósimdi eskere otyryp, osy zeınetker úshin zeınetaqynyń jalpy somasy 171 588 teńgege deıin ulǵaıdy, onyń ishinde bazalyq zeınetaqy – 50 851 teńgeni, yntymaqty zeınetaqy – 120 737 teńgeni qurady. Atalǵan somalarǵa BJZQ-daǵy tólemder kirmeıtinin atap ótý mańyzdy», delingen Eńbek jáne halyqty áleýmettik qorǵaý mınıstrliginiń habaralamasynda.
Anyqtama úshin: Yntymaqty zeınetaqy degenimiz - respýblıkalyq bıýdjetten berilip, azamattyń ómiriniń sońyna deıin tólenedi.
