Úrker turǵyn alabynda mektepterdegi oryn tapshylyǵy máselesi jergilikti turǵyndardy jyldar boıy tolǵandyryp keldi. Osylaısha, «Amanat» partııasynyń saılaýaldy baǵdarlamasy aıasynda jańa úlgidegi mektep salynyp, azamattardy alańdatqan másele óz sheshimin tapty. 9 qańtarda atalǵan bilim ordasy 2 myń oqýshyny qabyldaıdy.
Nysandy aralaý barysynda Pavel Kazansev Prezıdent bastamasymen qolǵa alynǵan «Jaıly mektep» ulttyq jobasynyń mańyzdy basymdyǵynyń biri - otandyq taýarlar men qyzmet kórsetýshilerdi qoldaý ekenine nazar aýdardy. Atap aıtqanda, nysandy salýshylarǵa qoıylatyn basty talap – jergilikti qamtý úlesi keminde 70 paıyz bolýy.
«Retteletin jıhaz, jabdyq, qurylys materıaldary – tolyq derlik otandyq ónim. Iаǵnı, 90 paıyzy – Qazaqstanda jasalǵan. Mundaı tásil strategııalyq turǵyda mańyzdy der edim. Sebebi Qazaqstanda óndirilgen ónimdi paıdalaný ulttyq ekonomıkanyń ósimine yqpal etedi. Bul – bizdiń jumys oryndarymyz, ekonomıka, qarjy aınalymy, onyń bári osynda», dedi Pavel Kazansev.
О́z kezeginde Samat Nurtaza elimizdegi demografııalyq ósim qarqyny bilim berý júıesi úshin eleýli salmaq salatynyna mán berdi. Tıisinshe, mektepterdegi oryn tapshylyǵy eń ózekti máseleniń biri bolyp otyr.
«Bul №33 mektep áıgili ánshi Ámire Qashaýbaevtyń esimimen atalady. Ǵımaratta oqýshylar qaýipsizdigine erekshe nazar aýdarylǵanyn atap ótken jón. Memleket basshysynyń bastamasymen qolǵa alynǵan ulttyq joba aıasynda mundaı mektepter elimizdiń shalǵaı eldi mekenderinde de salynady», dedi depýtat.
Búginge deıin Astanada bas-aıaǵy 11 jaıly mektep ashyldy. Jalpy, elordada ulttyq joba aıasynda 90 myń oqýshyǵa arnalǵan jańa úlgidegi 24 mektep salynady.
