Foto: azertag.az
«Osy apattan (Aqtaýdaǵy ushaq apaty – red.) Ázerbaıjan azamattarynyń qaza bolýyna Reseı Federasııasynyń ókilderi kináli dep senimmen aıta alamyn. Al biz ádildikti, kinálilerdiń jazalanýyn talap etemiz», dedi Ilham Álıev.
Ilham Álıev qazir qara jáshikterdi ashý prosesi júrip jatqanyn atap ótti.
«Jaqyn arada biz aldyn-ala nátıjeni biletinimizge senimdimin jáne bári óz ornyna keledi, bolǵan tragedııanyń búkil kórinisi belgili bolady. Bul, árıne, osy tragedııany tolyq tergeý jáne ondaǵy kinálilerdi jazalaý isindegi mańyzdy sát bolady», dedi Ázerbaıjan Prezıdenti.
Esterińizge sala keteıik, 25 jeltoqsanda Aqtaý mańynda, Baký-Groznyı reısin oryndaǵan AZAL jolaýshylar ushaǵy apatqa ushyraǵan bolatyn. Bortta 67 adam, onyń ishinde bes ekıpaj múshesi bolǵan. Apat saldarynan 38 jolaýshy qaza taýyp, 29 adam aman qaldy.
