Sýretti túsirgen – Erlan OMAR, «EQ»
Munda áleýmettik jeli men el arasynda aıtylyp qalatyn biraz qańqý sózge núkte qoıylǵan. Ras, Prezıdentimizdiń BUU deńgeıinde bedeli bar. Muny qyzǵanatyndar da az emes. Qym-qýyt kezeńde álemdik dıplomatııaǵa izashar bastamalary ónege bolyp otyr. Degenmen bizge birlik pen saqtyq qatar qajet.
Alańdaýymyzdyń bir sebebi: ol urlyq-qarlyqqa qarsy bitispes aıqas jarııalady. «Baltalymen alyssań da, qaltalymen alyspa!» degen. Mıllıardtaryn berip qoıyp qaltalylar tek jatpasy belgili. Keshegi Qańtar sony kórsetti. Ol týraly suhbatta da jaqsy aıtylǵan. Qańtarda shynjyr balaq, shubar tóster ashqursaq kópshilikti alǵa salyp, memlekettik tóńkeris jasaýǵa bir-aq qadam qalǵan edi.
Prezıdent 2022 jylǵa deıin elimizde qos ókimet qalyptasa bastaǵany týraly aýyr da bolsa ashy shyndyqty aıtqan. Suraqty tótesinen qoıa bilgen jýrnalıst Erlan Júnis jarady. «Memleket basshysy syrtqy saıasatpen tym qatty shuǵyldanyp ketip, ishki saıasatty qaltarysta qaldyrǵan joq pa?» degen kópshiliktiń oıyna Prezıdent dóp jaýap berdi. Ishki saıasat ta – ol kisiniń jiti qarap otyrǵan ózekti máselesi. BAQ-tyń málimeti boıynsha bizdegi áleýmettik az qamtylǵandar sany áli de 2 mıllıondaı kórinedi. Qańtar tárizdi oqıǵanyń qaı elde bolsyn qaıtalanýy múmkin ekenin suhbatta Prezıdenttiń ózi de aıtty. Al qandy Qańtardyń elimizde burq ete túsýi pıǵyly jaman arandatýshy toptyń áreketi ekeni taǵy belgili. Otyz jylǵa sozylǵan ádiletsizdik saldaryn búgingi bılik birer jylda joıa salýy múmkin emes. Ol úshin kúlli qoǵamdy ózgertý kerek. Adamdy ózgertý kerek. Bul ońaı sharýa emes. Prezıdent – jalǵyz, biz – kóppiz. Kópti ózgertýge kóp ýaqyt kerek. Kópti ózgertýdiń qıyny – biz Qudaıdy mansuqtaǵan qoǵamnan shyqtyq. Qudaısyz qoǵam qylmystan qoryqpaıdy. Qylmysty quryqtaýdyń qıyny sodan. О́ıtkeni Allaǵa emes, aqshaǵa tabynyp kettik. Endeshe, kedergilerdiń úlkeni ishki saıasatta. Prezıdent suhbaty – sol keri ketken kedergilerdi jeńýge halyqty shaqyrý dep bilemiz.
Smaǵul ELÝBAI,
Qazaqstannyń halyq jazýshysy
