Oqıǵa • 08 Qańtar, 2025

Reseıde jol apatyna túsken azamattar elge evakýasııalandy

54 ret

kórsetildi

1 mın

oqý úshin

Qańtar aıynyń 5-ine qaraǵan túni «Samara-Bolshaıa Chernıgovka» federaldy avtojolynyń 101 shaqyrymynda jol-kólik oqıǵasy boldy. Reseıdiń Tótenshe jaǵdaılar mınıstrligi apattan Qazaqstannyń jeti azamaty zardap shekkenin habarlaǵan, dep jazady Egemen.kz.

Dana MYRZAQADIR

Reseıde jol apatyna túsken azamattar elge evakýasııalandy

Foto: TJM

Zardap shekkenderdi elge jetkizý úshin Batys Qazaqstan TJ departamentiniń qutqarýshylary men psıhologtary, sondaı-aq jergilikti densaýlyq saqtaý basqarmasynyń jedel járdem qyzmetkerleri Reseıge attanǵan.

Oqıǵa ornyna kelgennen keıin zardap shekkenderdiń Bolshaıa Glýshısa aýylynyń, Novokýıbyshevsk jáne Samara qalalarynyń medısınalyq mekemelerine jatqyzylǵany anyqtaldy. Bul mekemelerde Qazaqstan TJM psıhologtary zardap shekkenderge shuǵyl psıhologııalyq kómek kórsetken.

Pasıentter Oraldaǵy qalalyq jáne oblystyq kópsalaly aýrýhanalarǵa jatqyzyldy. Jol-kólik oqıǵasynan eki adam qaza tapty, olardyń máıitteri Qazaqstanǵa jetkizilgen.

Búgin Batys Qazaqstan oblysy TJ departamenti mamandary naýqastardyń jaǵdaıynyń turaqty, dárigerlerdiń baqylaýynda ekenin habarlady.