Sýret: ru.wikipedia.org
Baǵdarlamanyń maqsaty – jeke nemese zańdy tulǵalardy otandyq spýtnıktik teleradıo habarlaryn taratý operatorlarynyń spýtnıktik qabyldaý qurylǵylaryn satyp alýǵa yntalandyrý. Baǵdarlama sheńberinde spýtnıktik teleradıo habarlaryn taratý operatorlary spýtnıktik qabyldaý qurylǵylaryn iske asyrýǵa jumsalatyn shyǵyndardyń bir bóligin óteı alady. Bul azamattardyń jabdyq shyǵyndaryn azaıtýǵa, otandyq teleradıo habarlaryn taratýdyń qoljetimdiligin arttyrýǵa múmkindik beredi.
Sýbsıdııalaý merzimi 3 jyldan aspaıdy. Sýbsıdııalar jylyna 50 myńnan aspaıtyn spýtnıktik qabyldaý qurylǵylaryn satýǵa bólinedi. Úderistiń ashyqtyǵy men aıqyndyǵyn qamtamasyz etý maqsatynda Mınıstrlik janynan turaqty jumys isteıtin komıssııa quryldy. Sýbsıdııalaýdy usyný tártibi Mádenıet jáne aqparat mınıstriniń mindetin atqarýshynyń 2024 jylǵy 21 qarashadaǵy №551-NQ buıryǵymen bekitilgen.
Mınıstrlik Qazaqstan Respýblıkasynyń aýmaǵynda jumys isteıtin spýtnıktik teleradıo habarlaryn taratý operatorlaryn baǵdarlamaǵa qatysýǵa shaqyrady. Qosymsha aqparat alý úshin +7 (7172) 74 02 64, +7 (7172) 74 03 43 telefon nómirleri arqyly baılanysýǵa bolady.
