Daý bitti – deldaldar naryqtan ketti

Oblystyq Energetıka jáne turǵyn úı-kommýnaldyq sharýa­shylyq basqarmasynyń basshysy Berdibek Kartbaevtyń aıtýynsha, 2025 jylǵy 1 qańtardan bastap «elektr energetıkasy týraly» zańǵa engizilgen ózgerister aıasynda sońǵy tutynýshylarǵa elektr energııasyn satýmen aınalysatyn energııamen jabdyqtaýshy uıymdar taratylady. Budan bylaı olardyń fýnksııasyn energııa berýshi uıymdar oryndaıdy.

«Oblysta 2025 jyldan bas­tap energııamen jabdyqtaýshy uıymnyń mindetterin tıisti lısenzııa alǵan «Mańǵystaý óńir­lik elektrjelilik kompanııasy» aksıonerlik qoǵamy, ıaǵnı MО́EK energııa berýshi uıymy óz moınyna alady. Buryn tutynýshylarǵa qyzmet kórsetken «Mańǵystaý jaryq» JShS elektrmen jab­dyq­taý qyzmetin toqtatady. Ener­gııamen jabdyqtaýǵa baılanysty barlyq qyzmet bir uıym arqyly usynylady. Bul ózara is-qımyl úderisin jeńildetedi jáne kez kelgen túıtkildi tez sheshýge múmkindik beredi», dep túsindirdi Berdibek Kartbaev.

«Mańǵystaý óńirlik elektr­jelilik kompanııasy» AQ tóraǵasy Qasymhan Syzdyqovtyń sózinshe, turmystyq tutynýshylarǵa baılanysty ózgeris az bolady. Tur­mystyq tutynýshylar elektrmen jab­dyq­taýdyń úlgilik sharty negi­zinde elektr energııasyn alýdy jalǵastyrady.

«Bizdiń kásiporynnyń basym­dyq­tarynyń biri – onyń barlyq qyzmetiniń jarııalylyǵy men ashyqtyǵy. Aksıonerlik qoǵam óńirdi úzdiksiz ári turaqty energııamen jabdyqtaý jónindegi óz mindetin tolyq túsinip, tuty­nýshylarmen ashyq dıalog formatynda qarym-qatynas ornatady. Kompanııa elektr energııasymen qamtamasyz etý boıynsha mindetterdi óz moınyna alyp qana qoımaı, jyl saıyn óńir ınfraqurylymyn damytýǵa qatysty belsendi jumys istep kele jatyr. Osy jumys aıasynda biz jelilerdi jańǵyrtýmen, ozyq tehnologııalardy engizýmen jáne energııa júıesiniń senimdiligin arttyrýmen aınalysamyz», dedi Qasymhan Syzdyqov.

Jumys oryndaryn saqtaý maqsatynda «Mańǵystaý jaryq» JShS qyzmetkerleri MО́EK shtatyna biriktirilmek.

«О́ńirdegi áleýmettik turaqty­lyqtyń mańyzyn túsinemiz. Jumys oryndaryn saqtaý – qyzmetkerlerdi qoldaý ǵana emes, sonymen qatar qoǵamnyń turaqty damýyna qosylǵan úles», dedi Qasymhan Syzdyqov.

«Mańǵystaý jaryq» JShS bas dırektory Aıdos Ábe­nov qańtardyń basynda alyn­ǵan «Mańǵystaý jaryq» túbir­tekterinde kórsetilgen buryn jınaqtalǵan bereshek jáne aǵymdaǵy esepteýler boıynsha elektr energııasy úshin tólemdi belgilengen tártippen MО́EK atyna júrgizý qajet ekenin túsindirdi. «Tutynýshylarǵa yńǵaıly bolý úshin jáne qate tólemder jaǵdaılaryn boldyrmaý úshin, sondaı-aq MО́EK aldyndaǵy kredıtorlyq bere­shek­ti eskere otyryp, tutyný­shy­lardyń debıtorlyq bere­she­gin «Mańǵystaý óńirlik elektrjelilik kompanııasy» AQ-ǵa berý týraly birlesken sheshim qabyldandy» dep túsindirdi Aıdos Ábenov.

Jańa jyl qarsańynda jetken jańalyq osyndaı. Endi óndirýshiden elektr energııasyn tutynýshyǵa deıin jetkizý jáne túrli qajettilikke oraı jeli­lerde aıyrý-qosý jumystaryn júr­gizý, eseptegishterdi tekserý, ózge de elektrdi tasymaldaý men jabdyqtaýǵa qatysty irili-usaqty jumystardyń bári senimdi bir qolǵa ótti.

«Deldaldardyń elektr ener­gııasyn tasymaldaýshy nary­ǵynan ketýin qoldap, tıisti mınıstrlikterge shaǵymdanǵan edik. Daýly másele tóńireginde halyq arasynan tabyla bilgen «Egemen Qazaqstan» gazetine de alǵysymyz sheksiz. Árıne, tegin eshteńe joq, tutynǵan qyzmettiń aqysyn tóleýge mindettimiz. Biraq eki ortada halyq esebinen aqsha tabatyndarǵa shekteý bolýǵa tıis», deıdi Saıyn aýlynyń tur­ǵy­ny, qoǵam belsendisi Syrǵa­laı Meńdibaı.

Mańǵystaý oblysy