Qazaqstan Respýblıkasy Ulttyq Banki Basqarmasynyń qaýlysy № 200 

2014 jylǵy 22 qazan, Almaty qalasy Qazaqstan Respýblıkasy Ulttyq Bankiniń keıbir normatıvtik quqyqtyq aktilerine tólemderdi jáne aqsha aýdarymdaryn júzege asyrý, bank shottaryn ashý, júrgizý jáne jabý tártibi máseleleri boıynsha ózgerister men tolyqtyrýlar engizý týraly «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes jáne tólemderdi jáne aqsha aýdarymdaryn júzege asyrýdy, bank shottaryn ashý, júrgizý jáne jabý tártibin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi: 1. Qosa berilip otyrǵan, ózgerister men tolyqtyrýlar engiziletin Qazaqstan Respýblıkasy Ulttyq Bankiniń normatıvtik quqyqtyq aktileriniń tizbesi osy qaýlynyń 1-qosymshasyna sáıkes bekitilsin. 2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Ulttyq Bank Tóraǵasy Q. KELIMBETOV. Qazaqstan Respýblıkasynyń Ulttyq Banki Basqarmasynyń 2014 jylǵy 22 qazandaǵy №200 qaýlysyna 1-qosymsha Qazaqstan Respýblıkasy Ulttyq Bankiniń ózgerister men tolyqtyrýlar engiziletin normatıvtik quqyqtyq aktileriniń tizbesi 1. Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń bankterinde klıentterdiń banktik esepshottaryn ashý, júrgizý jáne jabý erejesin bekitý týraly» 2000 jylǵy 2 maýsymdaǵy № 266 qaýlysyna (Normatıvtik quqyqtyq aktilerdi memlekettik tirkeý tiziliminde № 1199 tirkelgen, 2000 jyly Qazaqstan Respýblıkasynyń ortalyq atqarýshy jáne ózge memlekettik organdarynyń normatıvtik quqyqtyq aktileri bıýlleteninde jarııalanǵan, № 9, 264 qujat) mynadaı ózgerister men tolyqtyrý engizilsin: kórsetilgen qaýlymen bekitilgen Qazaqstan Respýblıkasynyń bankterinde klıentterdiń banktik esepshottaryn ashý, júrgizý jáne jabý erejesinde: 7-1 - tarmaq mynadaı redaksııada jazylsyn: «7-1. Klıenttiń aqshasyn esepke alý úshin klıentke banktik shot ashý kezinde bank oǵan bank klıentiniń banktik shotynyń nómiri bolyp tabylatyn jeke sáıkestendirý kodyn taǵaıyndaıdy. Klıentke banktik shotty ashqan ne klıent bankke ótinish jasaǵan kezde ony ashqannan keıin bank klıentke jazbasha nemese elektrondyq nysanda rastaýdy beredi, onda, banktik shottyń nómiri shartta kórsetilgen jaǵdaılardy qospaǵanda, banktik shottyń nómiri kórsetiledi. Banktik shot nómiriniń biryńǵaı qurylymy osy Erejeniń 3-qosymshasynda kórsetilgen.»; 9 - tarmaq mynadaı redaksııada jazylsyn: «9. Banktik shot shartynda: 1) sharttyń máni; 2) klıenttiń sáıkestendirý nómiri; 3) qosylý shartyn qospaǵanda, klıenttiń jeke sáıkestendirý nómiri; 4) banktegi aqshaǵa ıelik etý tártibi; 5) banktiń qyzmetterdi kórsetý talaptary jáne olarǵa aqy tóleý tártibi; 6) klıenttiń banktik shotty jabý týraly ótinishi negizinde banktik shotty jabý merzimi qamtylady.»; 11- tarmaqta: 3) tarmaqsha mynadaı redaksııada jazylsyn: «3) Qazaqstan Respýblıkasynyń rezıdent - dara kásipkerleri, jeke notarıýstary, jeke sot oryndaýshylary jáne advokattary úshin: qol qoıý úlgisi bar qujat; jeke basyn kýálandyratyn qujat; jeke notarıýstar úshin - notarıaldyq qyzmetpen aınalysý quqyǵyna berilgen lısenzııanyń kóshirmesi; advokattar úshin - advokattyq qyzmetpen aınalysý quqyǵyna berilgen lısenzııanyń kóshirmesi; jeke sot oryndaýshylary úshin - atqarý qujattaryn oryndaý jónindegi qyzmetpen aınalysý quqyǵyna berilgen lısenzııanyń kóshirmesi;»; 6) tarmaqsha mynadaı redaksııada jazylsyn: «6) Qazaqstan Respýblıkasynyń rezıdenti emes dara kásipkerleri úshin: qol qoıý úlgisi bar qujat; jeke basyn kýálandyratyn qujat;»; 8) tarmaqsha mynadaı redaksııada jazylsyn: «8) taratylatyn bankter, saqtandyrý (qaıta saqtandyrý) uıymdary, olardyń fılıaldary, erikti jınaqtaýshy zeınetaqy qorlary úshin: taratý komıssııasynyń qol qoıý úlgileri jáne taratylatyn klıenttiń mór tańbasy bar qujat; bıznes-sáıkestendirý nómiri bar qujattyń kóshirmesi; bankti, saqtandyrý (qaıta saqtandyrý) uıymyn taratý týraly sot sheshiminiń ne aksıonerlerdiń jalpy jınalysynyń kóshirmesi; Qazaqstan Respýblıkasy Ulttyq Bankiniń taratý komıssııasyn taǵaıyndaý týraly sheshiminiń kóshirmesi; Qazaqstan Respýblıkasy Ulttyq Bankiniń bank jáne ózge de operasııalardy júrgizýge ne saqtandyrý qyzmetin (qaıta saqtandyrý boıynsha qyzmetti) júzege asyrý quqyǵyna berilgen lısenzııadan aıyrý týraly sheshiminiń kóshirmesi;»; 13-tarmaq mynadaı redaksııada jazylsyn: «13. Banktik salym sharty boıynsha jınaq shotyn ashqan kezde aqshany (salymdy) salymshynyń óz atyna ne belgili bir úshinshi adamnyń atyna salýǵa bolady, olar budan bylaı banktiń klıentteri bolyp tabylady.»; 18-tarmaq mynadaı redaksııada jazylsyn: «18. Belgili bir úshinshi adamnyń-klıenttiń atyna jınaq shotyn ashý úshin salymshy bankke mynalardy usynady: 1) zańdy tulǵa, onyń oqshaýlanǵan bólimsheleri (fılıaldary men ókildikteri): shotty ashý jáne (nemese) ıelený quqyǵyna berilgen notarıat kýálandyrǵan senimhat; qol qoıý úlgileri jáne mór tańbasy bar qujatqa sáıkes klıenttiń jınaq shotyn júrgizýge (jınaq shottaǵy aqshaǵa ıelik etýge) baılanysty operasııalar júrgizý kezinde tólem qujattaryna qol qoıýǵa ýákiletti tulǵanyń (tulǵalardyń) jeke basyn kýálandyratyn qujattyń (qujattardyń) kóshirmesi; 2) jeke tulǵa: shotty ashý jáne (nemese) ıelený quqyǵyna berilgen notarıat kýálandyrǵan senimhat; on alty jasqa jetpegen, kámeletke tolmaǵan adamdar-klıentter úshin - týý týraly kýálik; salymshynyń jeke basyn rastaıtyn qujat.»; 19-5-tarmaq mynadaı redaksııada jazylsyn: «19-5. Notarıýstyń depozıtinen aqsha berý osy Erejede jáne banktik shot shartynda kózdelgen tártippen: 1) jeke tulǵaǵa - qolma-qol aqshamen ne deponenttiń banktik shotyna aqsha aýdarý arqyly; 2) zańdy tulǵaǵa - notarıýstyń depozıtinen deponenttiń banktik shotyna aqsha aýdarý arqyly júzege asyrylady.»; 21-tarmaq mynadaı redaksııada jazylsyn: «21. Ashylatyn shottyń túrlerine jáne klıenttiń quqyqtyq sýbektiligine qaraı, eger bul Kiristerdi jylystatýǵa qarsy is-qımyl týraly zańda kózdelse nemese bank belgilegen bolsa, banktiń qosymsha qujattar berýdi talap etýine ruqsat beriledi.»; 25-tarmaq mynadaı redaksııada jazylsyn: «25. Banktik shottar boıynsha úzindi kóshirmelerdi berýdi bankter shartqa sáıkes júrgizedi. Banktiń klıentke onyń shottary boıynsha úzindi kóshirmelerdi berý (jetkizip berý) qyzmetin elektrondyq tásilmen nemese shartta kózdelgen bolsa, arnaıy adam arqyly kórsetýine ruqsat beriledi.»; 31 jáne 32-tarmaqtar mynadaı redaksııada jazylsyn: «31. Zańdy tulǵalar, olardyń fılıaldary nemese ókildikteri usynatyn qol qoıý úlgileri jáne mór tańba belgisi bar qujattarda birinshi qol qoıý quqyǵy basshyda jáne/nemese ol ýákilettik bergen basqa adamdarda bolady. Ekinshi qol qoıý quqyǵy bas býhgalterge jáne/nemese basqa ýákiletti adamdarǵa beriledi. Bul ókilettikter quryltaı qujattary negizinde ne tıisti zańdy tulǵalar, fılıaldar nemese ókildikter basshylarynyń buıryqtary negizinde ne osyndaı ókilettikter berýge negiz bolǵan basqa qujattarǵa sáıkes beriledi. Bankterdiń, saqtandyrý (qaıta saqtandyrý) uıymdarynyń ýaqytsha ákimshilikteri úshin osy ókilettikter Qazaqstan Respýblıkasy Ulttyq Bankiniń taratý komıssııasyn taǵaıyndaý týraly sheshimi negizinde beriledi. Májbúrlep taratylatyn bankterdiń, saqtandyrý (qaıta saqtandyrý) uıymdarynyń taratý komıssııalary úshin osy ókilettikter Qazaqstan Respýblıkasy Ulttyq Bankiniń taratý komıssııasyn taǵaıyndaý týraly sheshimi negizinde beriledi. Eger zańdy tulǵanyń, fılıaldyń nemese ókildiktiń shtatynda ekinshi qol qoıý quqyǵyn berýge bolatyn adam bolmasa, bank qujatty tek birinshi qol qoıý úlgisimen qabyldaıdy, bul týraly osy qujatqa tıisti jazba jazylady. Qol qoıý úlgileri jáne mór tańba belgisi bar qujattarda zańdy tulǵanyń, onyń fılıalynyń nemese ókildiginiń mór tańba belgisiniń úlgisi bolýǵa tıis. Bul talap zańdy tulǵalar shyqqan el zańnamasynyń erekshelikterine baılanysty móri joq bolyp otyrǵan Qazaqstan Respýblıkasynyń rezıdenti emes zańdy tulǵalaryna, olardyń fılıaldary men ókildikterine qoldanylmaıdy. Arnaıy maqsattarǵa («kadrlar bólimi», «paket úshin» jáne basqa) arnalǵan mór tańbasynyń úlgisin qabyldaýǵa bolmaıdy. 32. Qol qoıý úlgileri jáne mór tańba belgisi bar qujatqa engizilgen adamdardyń qoıǵan qolynyń túpnusqalylyǵyn banktiń ýákiletti tulǵasy qol qoıý úlgileri jáne mór tańba belgisi bar qujatqa engizilgen adamdardyń jeke qatysýymen rastaıdy. Klıent qol qoıý quqyǵyn basqa tulǵaǵa (tulǵalarǵa) ýaqytsha bergen jaǵdaıda Erejeniń osy taraýynda belgilengen tártippen tıisti qol qoıý úlgileri bar ýaqytsha qujat resimdeledi. Osy normalar Qazaqstan Respýblıkasynyń Ulttyq Banki klıentteriniń bank shottaryn ashýyna qoldanylmaıdy, olar bank shottaryn ashý úshin notarıaldy kýálandyrylǵan qol qoıý úlgileri jáne mór tańba belgisi bar qujatty usynady. Zańdy tulǵalar, olardyń oqshaýlanǵan bólimsheleri (fılıaldar men ókildikteri), Qazaqstan Respýblıkasynyń rezıdenti emes dara kásipkerleri bank shottaryn ashý úshin bankke notarıat kýálandyrǵan qol qoıý úlgileri jáne mór tańba belgisi bar qujatty usynady ne qol qoıý úlgileri jáne mór tańba belgisi bar qujatqa engizilgen adamdardyń qoıǵan qolynyń túpnusqalylyǵyn banktiń ýákiletti tulǵasy rastaıdy.»; 33-tarmaq alynyp tastalsyn; 34-tarmaq mynadaı redaksııada jazylsyn: «34. Zańdy tulǵanyń ataýy ózgergen, móri joǵalǵan nemese tozǵan jaǵdaıda klıentke jańa mór daıyndaýǵa qajetti merzim berýge jol beriledi. Mórdi daıyndaý kezeńinde bank jáne klıent tólem qujattaryn klıenttiń mórinsiz resimdeý tártibin belgileıdi, ol shartta kórsetiledi.»; mynadaı mazmundaǵy 42–1-tarmaqpen tolyqtyrylsyn: «42-1. Bank klıenttiń ótinishi negizinde banktik shotty jabýdy banktik shot shartynda nemese banktik salym shartynda belgilengen merzimde, biraq osy Erejeniń 43-tarmaǵynda jáne banktik shot shartynda nemese banktik salym shartynda belgilengen jaǵdaılardy qospaǵanda, klıenttiń ótinishin alǵannan keıin otyz jumys kúninen keshiktirmeı júzege asyrady.»; 1 jáne 2-qosymshalar osy qaýlynyń 3 jáne 4-qosymshalaryna sáıkes redaksııada jazylsyn. 2. Qazaqstan Respýblıkasynyń Ulttyq Banki Basqarmasynyń «Bank shotyn ashpaı qolma-qol jasalmaıtyn aqsha tólemi men aýdarymyn júzege asyrý nusqaýlyǵyn bekitý týraly» 2000 jylǵy 13 qazandaǵy № 395 qaýlysyna (Normatıvtik quqyqtyq aktilerdi memlekettik tirkeý tiziliminde № 1304 tirkelgen, 2001 jyly Qazaqstan Respýblıkasynyń ortalyq atqarýshy jáne ózge de memlekettik organdarynyń normatıvtik quqyqtyq aktiler bıýlleteninde jarııalanǵan, № 5, 318-qujat) mynadaı ózgerister engizilsin: kórsetilgen qaýlymen bekitilgen bank shotyn ashpaı qolma-qol jasalmaıtyn aqsha tólemi men aýdarymyn júzege asyrý nusqaýlyǵynda: 2-tarmaqtyń tórtinshi bóligi mynadaı redaksııada jazylsyn: «Zańdy tulǵaǵa banktiń qyzmetine bir myń aılyq eseptik kórsetkishten aspaıtyn mólsherde qolma-qol aqsha jarnasy arqyly aqy tóleýge ruqsat beriledi.»; 5-tarmaq mynadaı redaksııada jazylsyn: «5. Klıenttiń banktik shotyn ashpaı jasalatyn tólemder men aqsha aýdarymdary teńgemen de, shetel valıýtasymen de júzege asyrylady.»; 11 jáne 12-tarmaqtar mynadaı redaksııada jazylsyn: «11. Banktik shotty ashpaı tólemder men aqsha aýdarymdaryn jasaǵan kezde tólem habarlamalarynda mynadaı mindetti derektemeler qamtylady: 1) tólem habarlamasynyń ataýy; 2) tólem habarlamasynyń nómiri, onyń jasalý kúni, aıy, jyly; 3) aqsha jóneltýshi jeke tulǵanyń jáne (nemese) benefısıardyń aty-jóni, ákesiniń aty (eger ol bar bolsa) nemese aqsha jóneltýshi zańdy tulǵanyń nemese benefısıardyń uıymdastyrý-quqyqtyq nysanyn qosa alǵanda, tolyq ataýy; 4) aqsha jóneltýshiniń nemese benefısıardyń jeke sáıkestendirý kodtary. Jeke tulǵanyń jeke sáıkestendirý kody bolmaǵan jaǵdaıda, onyń jeke basyn kýálandyratyn qujattyń derekteri, sondaı-aq poshtalyq mekenjaıy (eli, qalasy, ındeksi, kóshesi, úı jáne páter nómiri) kórsetiledi; 5) uıymdastyrý-quqyqtyq nysanyn qosa alǵanda, jóneltýshiniń bankiniń jáne benefısıardyń bankiniń tolyq ataýy, olardyń banktik sáıkestendirý kodtary; 6) Qazaqstan Respýblıkasynyń Ulttyq Banki Basqarmasynyń Normatıvtik quqyqtyq aktilerdi memlekettik tirkeý tiziliminde № 1011 tirkelgen «Ekonomıka sektorlarynyń jáne tólemder belgileý kodtaryn qoldaný jáne tólemder boıynsha olarǵa sáıkes málimetter usyný qaǵıdalaryn bekitý týraly» 1999 jylǵy 15 qarashadaǵy № 388 qaýlysynda belgilengen aqsha jóneltýshiniń «AJK» kody, benefısıardyń «BeK» kody, tólem maqsaty jáne onyń kodtyq belgilenýi; 7) sanmen jáne jazýmen belgilengen tólem somasy; 8) aqsha aýdarymy olardyń jeke sáıkestendirý kody kórsetile otyryp júrgizilgen jaǵdaıda, aqsha jóneltýshiniń nemese benefısıardyń JSN-i nemese BSN-i; 9) aqsha jóneltýshi zańdy tulǵa bolǵan jaǵdaıda - onyń ýákiletti adamdarynyń aty-jóni, ákesiniń aty (bolǵan kezde), qoly, sondaı-aq mór tańbasy. Aqsha jóneltýshi jeke tulǵa bolǵan jaǵdaıda - onyń qoly. 12. Qajet bolǵan jaǵdaıda aqsha jóneltýshi tólem habarlamasynda valıýtalaý kúnin kórsetedi. Kommýnaldyq qyzmetke aqy tóleýge arnalǵan habarlama-shottarda valıýtalaý kúni kórsetilmeıdi.»; 13-tarmaqtyń tórtinshi bóligi mynadaı redaksııada jazylsyn: «Salyq tóleýshiniń alýshy-bankke qolma-qol aqsha engizý kúni aqsha jóneltýshiniń bıýdjetke tólemder tóleýge arnalǵan túbirtek-habarlamada kórsetken kúnimen sáıkes keledi. Bıýdjetke tólemder tóleýge arnalǵan túbirtek-habarlamada onyń ataýyna sáıkes keletin bıýdjettik jikteý kody kórsetiledi. Jóneltýshi benefısıar derektemeleriniń jáne bıýdjettik jikteý kodynyń durys kórsetilýin qamtamasyz etedi.»; 14-tarmaq mynadaı redaksııada jazylsyn: «14. Aqsha jóneltýshige tólem habarlamalarynda óziniń mekenjaıyna jáne benefısıardyń mekenjaıyna (telefon nómiri, faks nómiri, elektrondyq poshta mekenjaıy jáne basqa da málimetter) qatysty qosymsha málimetter kórsetýge ruqsat beriledi.»; 17 jáne 18-tarmaqtar mynadaı redaksııada jazylsyn: «17. Banktik shotty ashpaı júrgiziletin tólemder men aqsha aýdarymdary boıynsha klıentterdiń tólem habarlamalaryn oryndaǵany úshin bankterge klıentterden komıssııalyq syıaqy alýǵa ruqsat beriledi. Komıssııalyq syıaqynyń mólsherin, tóleý tártibin jáne merzimin bank derbes belgileıdi. 18. Eger alýshy bank pen aqsha jóneltýshiniń arasyndaǵy aqsha aýdarymy shartynda (bıýdjetke tólemder tóleý maqsatyndaǵy aqsha aýdarymy sharttaryn qospaǵanda) ózgeshe kózdelmese, tólem habarlamasyn oryndaǵan kezde alýshy bank tólem somasynyń esebinen komıssııalyq syıaqy almaıdy.»; 19-2-tarmaq mynadaı redaksııada jazylsyn: «19-2. Tólemder men aqsha aýdarymdaryn banktik shotty ashpaı elektrondyq termınaldar arqyly qolma-qol aqsha engizý jolymen  júzege asyrý kezinde aqsha jóneltýshige chek beriledi, chekte mynadaı mindetti derektemeler qamtylady: 1) qujattyń nómiri, jazylǵan kúni, aıy, jyly; 2) aqsha jóneltýshiniń bankiniń jáne benefısıardyń ataýy; 3) tólem somasy; 4) banktiń komıssııalyq syıaqy somasy; 5) tólem valıýtasy; 6) tólem maqsaty; 7) tólem maqsatynyń kody.»; 21-tarmaq mynadaı redaksııada jazylsyn: «21. Aqsha aýdarymy týraly shartty jasaǵan kezde alýshy bank jáne aqsha jóneltýshi aqsha aýdarý tártibin, onyń ishinde komıssııalyq syıaqy alý tártibin, sondaı-aq aqsha aýdarymy boıynsha óz quqyqtaryn, mindetterin jáne jaýapkershiligin kelisedi.»; 25-tarmaq mynadaı redaksııada jazylsyn: «25. Banktik shoty joq benefısıardyń paıdasyna aqsha qabyldaǵan kezde benefısıardyń banki benefısıarǵa onyń paıdasyna aqsha túskeni týraly belgilengen nysanda jasalǵan bank habarlamasyn jiberý arqyly nemese bank belgilegen ózge de tásilmen habarlaıdy.»; 30-tarmaq mynadaı redaksııada jazylsyn: «30. Benefısıar tólem habarlamasy boıynsha aqsha aýdarymy somasyn alý úshin kelmegen jaǵdaıda (onyń banktik shoty bolmaǵan jaǵdaıda), benefısıardyń banki osy somany ekinshi deńgeıdegi bankterge arnalǵan býhgalterlik esep josparynda kózdelgen banktiń tıisti shottarynda bank belgilegen merzimde esepke alady.»; 32-tarmaq mynadaı redaksııada jazylsyn: «32. Aqsha aýdarymyn júzege asyrý múmkin bolmaǵan kezde, aqsha jóneltýshiniń banki jáne benefısıardyń banki aqshany aqsha jóneltýshige qaıtarý úshin qajetti sharalar qabyldaıdy.»; 35-tarmaq mynadaı redaksııada jazylsyn: «35. Benefısıardyń banki aqshany qaıtarǵan kezde, aqsha jóneltýshiniń banki qaıtarylǵan aqsha túsken kúninen bastap úsh operasııalyq kún ishinde aqsha jóneltýshige osyndaı qaıtarý týraly bank belgilegen tásildermen habarlaıdy. Eger aqsha qaıtarý aqsha aýdarý týraly qate nusqaýdy oryndaý sebebimen júrgizilgen jaǵdaıda, tólemdi qaıtarý týraly aqsha jóneltýshige habar bermeýge ruqsat beriledi. Aqsha qaıtarylǵannan keıin úsh operasııalyq kún ishinde aqsha jóneltýshiniń banki benefısıardyń bankine tıisti derektemeleri bar tólem qujatyn jiberedi.». 3. Qazaqstan Respýblıkasynyń Ulttyq Banki Basqarmasynyń «Bankterdiń arasynda, sondaı-aq Qazaqstan Respýblıkasynyń ekinshi deńgeıdegi bankteri men bank operasııalarynyń jekelegen túrlerin júzege asyratyn uıymdarynyń arasynda korrespondenttik qatynastar ornatý erejesin bekitý týraly» 2000 jylǵy 25 qarashadaǵy № 428 qaýlysyna (Normatıvtik quqyqtyq aktilerdi memlekettik tirkeý tiziliminde № 1351 tirkelgen, 2001 jyly Qazaqstan Respýblıkasynyń ortalyq atqarýshy jáne ózge de memlekettik organdarynyń normatıvtik quqyqtyq aktileriniń bıýlleteninde jarııalanǵan, № 2) mynadaı ózgerister engizilsin: kórsetilgen qaýlymen bekitilgen Bankterdiń arasynda, sondaı-aq Qazaqstan Respýblıkasynyń ekinshi deńgeıdegi bankteri men bank operasııalarynyń jekelegen túrlerin júzege asyratyn uıymdarynyń arasynda korrespondenttik qatynastar ornatý erejesinde: 1-taraýdyń taqyryby mynadaı redaksııada jazylsyn: «1. Jalpy erejeler»; 1-tarmaq mynadaı redaksııada jazylsyn: «1. Bankterdiń arasynda, sondaı-aq Qazaqstan Respýblıkasynyń ekinshi deńgeıdegi bankteri (budan ári – bankter) men bank operasııalarynyń jekelegen túrlerin júzege asyratyn uıymdarynyń (budan ári – banktik emes uıymdar) arasynda korrespondenttik qatynastar ornatý erejesi (budan ári - Ereje) «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy Qazaqstan Respýblıkasynyń Zańyna sáıkes ázirlendi jáne Qazaqstan Respýblıkasynyń bankteriniń (budan ári - bankter) jáne bank operasııalarynyń jekelegen túrlerin júzege asyratyn uıymdardyń (budan ári - banktik emes uıymdar) teńgemen korrespondenttik shottardy ashý, júrgizý jáne jabý erekshelikterin, sondaı-aq bankter men banktik emes uıymdardyń tólemderi men aqsha aýdarymdarynyń kólemine belgilengen lımıtti esepteý tártibin belgileıdi.»; 2-tarmaq mynadaı redaksııada jazylsyn: «2. Osy Erejede mynadaı uǵymdar qoldanylady: 1) qarsy agent - jasalǵan korrespondenttik shot shartyna sáıkes áriptes bolyp tabylatyn bank jáne/nemese banktik emes uıym; 2) Korrespondent - basqa bank jáne/nemese banktik emes uıym úshin ózinde shot ashqan bank jáne/nemese banktik emes uıym (loro-shot) 3) korrespondenttik qatynastar - bankter arasyndaǵy, sondaı-aq bankter men banktik emes uıymdar arasyndaǵy korrespondenttik shot shartynda jáne Qazaqstan Respýblıkasynyń zańdarynda kózdelgen bank qyzmetin kórsetýdi júzege asyrýǵa baılanysty operasııalar jasaý maqsatynda olardyń arasynda korrespondenttik shottardy ashý kezinde paıda bolatyn sharttyq qatynastar; 4) Respondent - basqa bankte jáne/nemese banktik emes uıymda shot ashqan bank jáne/nemese banktik emes uıym (nostro-shot); 5) rezıdent emes bank - Qazaqstan Respýblıkasynan tys jerge ornalasqan jáne ózi turǵan jerdegi memlekettiń zańdaryna sáıkes bank qyzmetin júzege asyratyn bank; 5-tarmaq mynadaı redaksııada jazylsyn: «5. Eger «Qazaqstan Respýblıkasyndaǵy bankter jáne bank qyzmeti týraly» 1995 jylǵy 31 tamyzdaǵy Qazaqstan Respýblıkasynyń Zańynda ózgeshe belgilenbese, Qazaqstan Respýblıkasy Ulttyq Bankiniń bankter men banktik emes uıymdardyń korrespondenttik shottaryn ashýǵa jáne júrgizýge berilgen lısenzııasy bar bankter men banktik emes uıymdar bankter men banktik emes uıymdardyń korrespondenttik shottaryn ashý men júrgizýdi júzege asyrady.»; 2 -taraýdyń taqyryby mynadaı redaksııada jazylsyn: «2. Korrespondenttik shottardy ashý tártibi»; 11-tarmaq mynadaı redaksııada jazylsyn: «11. Respondent korrespondenttik shotty ashý úshin Korrespondentke Normatıvtik quqyqtyq aktilerdi memlekettik tirkeý tiziliminde № 1199 tirkelgen, Qazaqstan Respýblıkasynyń Ulttyq Banki Basqarmasynyń «Qazaqstan Respýblıkasynyń bankterinde klıentterdiń banktik esepshottaryn ashý, júrgizý jáne jabý erejesin bekitý týraly» 2000 jylǵy 2 maýsymdaǵy № 266 qaýlysynda kózdelgen qujattardy, sondaı-aq mynadaı qujattardy: 1) korrespondenttik shotty ashý jónindegi ótinishti; 2) bankter úshin - bank operasııalaryn júrgizýge berilgen lısenzııanyń notarıat kýálandyrǵan kóshirmesin; 3) kredıttik seriktestikterdi qospaǵanda, banktik emes uıymdar úshin - aýdarym operasııalaryn júrgizýge berilgen lısenzııanyń notarıat kýálandyrǵan kóshirmesin usynady. Eger «Qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl týraly» 2009 jylǵy 28 tamyzdaǵy Qazaqstan Respýblıkasynyń Zańynda tikeleı belgilengen bolsa, Respondent Korrespondentke qosymsha qujattar usynady. 3-taraýdyń taqyryby mynadaı redaksııada jazylsyn: «3. Korrespondenttik shottardy júrgizýge qoıylatyn jalpy talaptar»; 12-tarmaq alynyp tastalsyn: 4-taraýdyń taqyryby mynadaı redaksııada jazylsyn: «4. Korrespondenttik shottardy jabý tártibi»; 20-tarmaq mynadaı redaksııada jazylsyn: «20. Korrespondentten nemese Respondentten korrespondenttik shottar ashýǵa jáne júrgizýge baılanysty operasııalardy júzege asyrýǵa lısenzııa qaıtaryp alynǵan nemese Respondent korrespondenttik shotty japqan jaǵdaıda, ózderiniń arasynda jasalǵan sharttyń talaptaryna sáıkes Korrespondent Respondent kórsetken shotqa aqsha aýdarýdy júzege asyrady.»; 5-taraýdyń taqyryby mynadaı redaksııada jazylsyn. «5. Bankterdiń jáne banktik emes uıymdardyń korrespondenttik shottary boıynsha tólemder lımıtin esepteý tártibi»; 6-taraý alynyp tastalsyn. 4. Qazaqstan Respýblıkasynyń Ulttyq Banki Basqarmasynyń «Klıent pen oǵan qyzmet kórsetetin banktiń arasynda qolma-qol jasalmaıtyn tólemderdi júzege asyrý erejesin bekitý týraly» 2000 jylǵy 25 qarashadaǵy № 433 qaýlysyna (Normatıvtik quqyqtyq aktilerdi memlekettik tirkeý tiziliminde № 1352 tirkelgen, 2001 jyly Qazaqstan Respýblıkasynyń ortalyq atqarýshy jáne ózge de memlekettik organdarynyń normatıvtik quqyqtyq aktileriniń bıýlleteninde jarııalanǵan, № 2) mynadaı ózgerister engizilsin: kórsetilgen qaýlymen bekitilgen Klıent pen oǵan qyzmet kórsetetin banktiń arasynda qolma-qol jasalmaıtyn tólemderdi júzege asyrý erejesinde: 1-taraýdyń taqyryby mynadaı redaksııada jazylsyn: «1. Jalpy erejeler»; 3-tarmaq mynadaı redaksııada jazylsyn: «3. Osy Erejede «Aqsha tólemi men aýdarymy týraly» 1998 jylǵy 29 maýsymdaǵy Qazaqstan Respýblıkasy Zańynda jáne Normatıvtik quqyqtyq aktilerdi memlekettik tirkeý tiziliminde № 1155 tirkelgen, Qazaqstan Respýblıkasy Ulttyq Banki Basqarmasynyń «Tólem tapsyrmalardy, tólemdik talap-tapsyrmalardy, ınkassalyq ókimderdi resimdeý, paıdalaný jáne oryndaý jónindegi nusqaýlyqty bekitý týraly» 2000 jylǵy 25 sáýirdegi № 179 qaýlysynda kózdelgen negizgi uǵymdar paıdalanylady.»; 5-tarmaq mynadaı redaksııada jazylsyn: «5. Klıent pen oǵan qyzmet kórsetetin banktiń arasynda qolma-qol aqshasyz tólemderdi júzege asyrý kezinde klıent te, oǵan qyzmet kórsetetin bank te tólem orderin usynýshy bolyp tabylady.»; 2-taraýdyń taqyryby mynadaı redaksııada jazylsyn: «2. Klıent pen oǵan qyzmet kórsetetin banktiń arasynda qolma-qol aqshasyz tólemderdi júzege asyrý kezinde qoldanylatyn tólem orderin resimdeý tártibine qoıylatyn jalpy talaptar»; 7 jáne 8-tarmaqtar mynadaı redaksııada jazylsyn: «7. Bank qoldanylatyn tólem orderiniń ózge nysanynda mynadaı derektemeler qamtylady: 1) «Tólem orderi» ataýy; 2) tólem orderiniń nomeri, jazylǵan kúni, aıy, jyly. Kúni sanmen, aıy – jazýmen, jyly - sanmen kórsetiledi. Kompıýter tehnıkasyn paıdalana otyryp resimdeletin tólem orderlerinde aıdy sanmen belgilep kórsetýge ruqsat beriledi; 3) klıenttiń banktik shotyna qyzmet kórsetetin banktiń ataýy (ataýynyń janyna onyń fırmalyq belgisin qoıýǵa ruqsat etiledi), onyń banktik sáıkestendirý kody; 4) klıenttiń ataýy, onyń jeke sáıkestendirý kody; 5) tólem bastamashysynyń ýákiletti adamdardyń aty-jóni, ákesiniń aty (bolǵan kezde) jáne qoıatyn qoly jáne onyń móri men mórtabandarynyń bederi (eger bar bolsa). Tegin tolyq kórsetýge, al aty men ákesiniń (eger ol bar bolsa) atyn – ınısıalmen kórsetýge ruqsat beriledi. 6) klıenttiń jáne oǵan qyzmet kórsetetin banktiń jeke sáıkestendirý (bıznes-sáıkestendirý) nómiri; 7) tólem maqsaty, onyń Qazaqstan Respýblıkasynyń Ulttyq Banki Basqarmasynyń Normatıvtik quqyqtyq aktilerdi memlekettik tirkeý tiziliminde № 1011 tirkelgen «Ekonomıka sektorlarynyń jáne tólemder belgileý kodtaryn qoldaný jáne tólemder boıynsha olarǵa sáıkes málimetter usyný qaǵıdalaryn bekitý týraly» 1999 jylǵy 15 qarashadǵy № 388 qaýlysynda belgilengen kod belgisi; 8) sıfrmen jáne jazýmen belgilengen tólem somasy; 9) aqsha jóneltýshiniń kody (AJK) jáne benefısıardyń kody (BeK). 8. Bastamashysy zańdy tulǵa-klıent bolyp tabylatyn qaǵaz tasymaldaǵyshta jasalǵan tólem orderinde qol qoıý úlgileri men mórdiń bederi bar qujatqa sáıkes klıenttiń ýákiletti adamdarynyń qoıǵan qoly jáne mórdiń bederi bolady. Bastamashysy jeke tulǵa-klıent nemese zańdy tulǵa qurmaı-aq kásipkerlik qyzmetti júzege asyratyn jeke tulǵa-klıent bolyp tabylatyn qaǵaz tasymaldaǵyshtaǵy tólem orderinde qol qoıý úlgileri men mórdiń bederi bar qujatqa sáıkes klıenttiń qoıǵan qoly jáne mórdiń bederi bolady.»; 10-tarmaq mynadaı redaksııada jazylsyn: «10. Banktiń tólem orderine klıent týraly qosymsha málimetterdi, sondaı-aq osy tólem orderin óńdeý úshin bankke qajetti málimetterdi qosýyna ruqsat beriledi.»; 13-tarmaq mynadaı redaksııada jazylsyn: «13. Klıent pen oǵan qyzmet kórsetetin banktiń arasyndaǵy shartta mundaı múmkindik belgilengen bolsa, tólem orderinde valıýtalaý kúnin kórsetýge ruqsat beriledi.»; 3 jáne 4-taraýlardyń taqyryptary mynadaı redaksııada jazylsyn: «3. Ruqsat berilgen tólem orderi»; «4. Tólem orderin keri qaıtaryp alý, onyń oryndalýyn toqtata turý»; 17-tarmaq mynadaı redaksııada jazylsyn: «17. Qazaqstan Respýblıkasynyń Ulttyq Banki Basqarmasynyń Normatıvtik quqyqtyq aktilerdi memlekettik tirkeý tiziliminde № 1155 tirkelgen, «Tólem tapsyrmalardy, tólemdik talap-tapsyrmalardy, ınkassalyq ókimderdi resimdeý, paıdalaný jáne oryndaý jónindegi nusqaýlyqty bekitý týraly» 2000 jylǵy 25 sáýirdegi № 179 qaýlysyna sáıkes resimdelgen tólem orderin qaıtaryp alý nemese onyń oryndalýyn toqtata turý týraly ókimdi bankke jiberý arqyly klıenttiń tólem orderin qaıtaryp alýyna nemese toqtata turýyna ruqsat beriledi.»; 19-tarmaq mynadaı redaksııada jazylsyn: «19. Bank tólem orderin qaıtaryp alý nemese onyń oryndalýyn toqtata turý týraly ókimdi ýaqtyly alǵan kezde, bank qaıtarylyp alynatyn nemese oryndalýy toqtatyla turatyn tólem orderi boıynsha tólem jasaýdy júzege asyrmaıdy. Bank osyndaı tólem orderi negizinde tólemdi júzege asyrǵan jaǵdaıda, bank klıentke aqshany qaıtaryp beredi.»; 5-taraýdyń taqyryby mynadaı redaksııada jazylsyn: «5. Tólem orderiniń aksepti jáne ony aksepteýden bas tartý»; 23 jáne 24-tarmaqtar mynadaı redaksııada jazylsyn: «23. Eger bank tólem orderin oryndamasa, al klıenttiń banktik shotynda tólem jasaý úshin jetkilikti aqsha somasy bolsa jáne bank akseptten bas tartý týraly nusqaýdy alǵan kúnnen bastap úsh jumys kúninen keshiktirmeıtin merzimde habar bermese, bank klıentke, eger 1999 jylǵy 1 shildedegi Qazaqstan Respýblıkasynyń Azamattyq kodeksinde (Erekshe bólimi) ózgeshe belgilenbese, olardyń arasyndaǵy shartta kózdelgen mólsherde tólem somasynan aıyppul tóleıdi. 24. Klıenttiń banktik shotynan aqshany tólem orderin paıdalana otyryp akseptsiz tártipte alý klıent pen oǵan qyzmet kórsetetin banktiń arasyndaǵy klıenttiń banktik shotynan aksepteýsiz aqshany alýǵa kelisimi bar sharttyń negizinde júzege asyrylady.»; 6-taraýdyń taqyryby mynadaı redaksııada jazylsyn: «6. Tólem orderiniń oryndalýy»; 7-taraý alynyp tastalsyn. 5. Qazaqstan Respýblıkasynyń Ulttyq Banki Basqarmasynyń «Banktik esepshotty tikeleı debetteý arqyly tólemderdi júzege asyrý erejesin bekitý týraly» 2001 jylǵy 14 qarashadaǵy № 430 qaýlysyna (Normatıvtik quqyqtyq aktilerdi memlekettik tirkeý tiziliminde № 1706 tirkelgen, 2002 jylǵy № 12 560-quj. Qazaqstan Respýblıkasynyń ortalyq atqarýshy jáne ózge de memlekettik organdarynyń normatıvtik quqyqtyq aktileriniń bıýlleteninde jarııalanǵan) mynadaı ózgerister engizilsin: kórsetilgen qaýlymen bekitilgen Banktik esepshotty tikeleı debetteý arqyly tólemderdi júzege asyrý erejesinde: 1-taraýdyń taqyryptary mynadaı redaksııada jazylsyn: «1. Jalpy erejeler»; 1-tarmaq mynadaı redaksııada jazylsyn: «1. Osy Banktik esepshotty tikeleı debetteý arqyly tólemderdi júzege asyrý ereje «Qazaqstan Respýblıkasynyń Ulttyq Banki týraly» 1995 jylǵy 30 naýryzdaǵy, «Aqsha tólemi men aýdarymy týraly» 1998 jylǵy 29 maýsymdaǵy Qazaqstan Respýblıkasynyń Zańdaryna sáıkes ázirlendi jáne banktik shotty tikeleı debetteý arqyly tólem jasaýdyń tártibi men talaptaryn belgileıdi.» 3-tarmaqtyń úshinshi jáne tórtinshi bóligi mynadaı redaksııada jazylsyn: «Banktik shotty tikeleı debetteý shartyn aqsha jóneltýshiniń ótinishi nysanynda jasaýǵa ruqsat beriledi, oǵan sáıkes aqsha jóneltýshi bankke banktik shotty tikeleı debetteý arqyly benefısıardyń paıdasyna aqsha alýǵa kelisim beredi. Banktik shotty tikeleı debetteý shartynyń talaptaryn aqsha jóneltýshi men onyń banki arasynda jasalǵan jáne banktiń aqsha jóneltýshige talap qoıýyna negiz bolatyn shartta (banktik shot sharty, banktik qaryz sharty jáne basqalary) kórsetýge ruqsat beriledi.»; 6-tarmaq mynadaı redaksııada jazylsyn: «6. Aqsha jóneltýshiniń bankiniń banktik shotty tikeleı debetteý arqyly tólem jasaǵany úshin jeke tarıf belgileýine ruqsat beriledi.»; 2-taraýdyń taqyryby mynadaı redaksııada jazylsyn. «2. Aqsha jóneltýshiniń banktik shotyn tikeleı debetteý arqyly tólemdi júzege asyrý tártibi»; 15-tarmaq mynadaı redaksııada jazylsyn: «15. Aqsha jóneltýshiniń banki banktik shotty tikeleı debetteý arqyly tólem jasaý úshin jasaǵan tólem qujattary Normatıvtik quqyqtyq aktilerdi memlekettik tirkeý tiziliminde № 1155 tirkelgen Qazaqstan Respýblıkasynyń Ulttyq Banki Basqarmasynyń «Tólem tapsyrmalardy, tólemdik talap-tapsyrmalardy, ınkassalyq ókimderdi resimdeý, paıdalaný jáne oryndaý jónindegi nusqaýlyqty bekitý týraly» 2000 jylǵy 25 sáýirdegi № 179 qaýlysynda, sondaı-aq Normatıvtik quqyqtyq aktilerdi memlekettik tirkeý tiziliminde № 1352 tirkelgen Qazaqstan Respýblıkasynyń Ulttyq Banki Basqarmasynyń «Klıent pen oǵan qyzmet kórsetetin banktiń arasynda qolma-qol jasalmaıtyn tólemderdi júzege asyrý erejesin bekitý týraly» 2000 jylǵy 25 qarashadaǵy № 433 qaýlysynda belgilengen tártipte resimdeledi jáne usynylady. Tólem tapsyrmasynyń «Aqsha jóneltýshi» baǵanynda aqsha jóneltýshiniń bankiniń derektemeleri kórsetiledi. Qaǵaz tasymaldaǵyshtaǵy tólem tapsyrmasy ýákiletti tulǵalardyń qolymen jáne aqsha jóneltýshiniń bankiniń mór bederimen rastalady. Tólem qujattarynyń «tólem maqsaty» baǵanynda tólem qujatyn jasaýǵa negiz bolǵan benefısıardyń rastaý qujattary, sondaı-aq banktik shotty tikeleı debetteý shartynyń derektemeleri kórsetiledi.»; 18-tarmaqtyń birinshi bóligi mynadaı redaksııada jazylsyn: «18. Aqsha jóneltýshiniń banktik shotty tikeleı debetteý arqyly tólem jasaý úshin aqshasy bolmasa ne jetkiliksiz bolsa, aqsha jóneltýshiniń bankine, banktik shotty tikeleı debetteý shartynda ózgeshe kózdelmese, rastaý qujattaryn benefısıardyń bankine (eger benefısıar basqa banktiń klıenti bolsa) keıin ony benefısıarǵa berý úshin nemese benefısıarǵa (eger benefısıar aqsha jóneltýshiniń bankiniń klıenti bolsa) qaıtarýǵa ruqsat beriledi.»; 19-tarmaq mynadaı redaksııada jazylsyn: «19. Aqsha jóneltýshiniń banktik shotynda aqsha bolmasa ne jetkiliksiz bolsa, aqsha jóneltýshiniń bankiniń aqsha jóneltýshige qaryz berýine ruqsat beriledi. Qaryz berý talaptary men óteý tártibi shartta belgilenedi.»; 3-taraý alynyp tastalsyn.