Foto: iStock
Bul týraly Japonııa mınıstrler kabınetiniń otyrysynda belgili boldy. Eksportqa tyıym salynǵan taýarlar tizimine kran qozǵaltqyshtaryna arnalǵan bólshekter men basqa da arnaıy jabdyqtarǵa arnalǵan bólshekter, sondaı-aq shaǵyn motosıklder sııaqty 335 pozısııa qosylǵan. Bul Reseıdiń ónerkásiptik áleýetin kúsheıtýi múmkin.
Sondaı-aq hımııalyq qarýdy ázirleý úshin qoldanylýy múmkin kapsaısın sııaqty hımııalyq zattardy eksporttaýǵa tyıym salyndy.
Bul tyıym 23 qańtardan bastap kúshine enedi.
Sondaı-aq úkimettik sheshimde Reseıge sanksııalardy aınalyp ótýge kómektesedi degen kúdikke ilingen alty eldiń 31 uıymyna eksportqa tyıym salý qarastyrylǵan. Bul topqa Qazaqstan, Birikken Arab Ámirlikteri (BAÁ), Qytaı, Qyrǵyzstan, Taıland jáne Túrkııada elderi kirgen.
Alaıda sanksııalar engizilgen uıymdardyń ataýy esepte kórsetilmegen.
Japonııa mınıstrler kabınetiniń bas hatshysy Esımasa Haıashı baspasóz máslıhatynda Japonııa G7 elderin qosa alǵanda, halyqaralyq qaýymdastyqpen yntymaqtasa otyryp, Ýkraına tóńiregindegi jaǵdaıdy sheshýge baǵyttalǵan halyqaralyq kúsh-jigerge óz úlesin qosatynyn málimdedi.
