Jıyn barysynda jergilikti depýtattar óńirdiń áleýmettik-ekonomıkalyq damýyna qatysty ózekti máselelerdi kóterip, birqatar mańyzdy usynystaryn ortaǵa saldy.
Atap aıtqanda, Qumkól munaı-gaz ken ornyn Ulytaý oblysyna qarasty etip, paıdaly qazbalardan túsetin salyqtyń 50 paıyzyn oblys bıýdjetine baǵyttaý, Joshy han tarıhı-mádenı keshenin memleket balansyna berip, Mádenıet jáne aqparat mınıstrliginiń quzyryna ótkizý máseleleri aıtyldy.
Jezqazǵan qalalyq máslıhatynyń tóraǵasy Raýshan Qaparova mádenı keshendi qarjylandyrýǵa jergilikti bıýdjetten bólinetin qarajattyń jetkiliksizdigin atap ótti. Osyǵan oraı nysandy respýblıkalyq deńgeıde qarjylandyrý usynyldy.
О́z kezeginde Erbolat Satybaldın bul usynystardyń Májiliste qarastyrylyp jatqanyn jáne tıisti sheshimder qabyldanatynyn atap ótti. Sondaı-aq depýtat óńirdiń áleýmettik-ekonomıkalyq damýyna qatysty máselelerdi sheshý baǵytynda naqty jumystar júrgiziletinin aıtty.
