Sýret: stan.kz
Muhtar Maǵaýın – qazaq ádebıetiniń aıbyndy tulǵasy, ulttyq ádebıetimizdiń asyl qazynalaryn zerttep, onyń baı murasyn álemdik mádenıetke tanytqan jazýshy. Onyń qalamynan týǵan «Tazynyń ólimi», «Bir atanyń balalary», «Kókbalaq», «Júıriktiń taǵdyry», «Shaqan-Sheri», «Kók munar», «Qobyz áýenderi», «Alasapyran» sekildi shyǵarmalary qazaq ádebıetiniń altyn qoryna endi. Shyǵarmalary tek qazaq ádebıetiniń deńgeıin arttyryp qana qoımaı, búkil túrki dúnıesi rýhanı bolmysyn jańa bıikterge kóterdi.
Muhtar Maǵaýın ult ádebıeti tarıhyn tereń zerttep, qazaq handyǵy tusyndaǵy jyraýlar murasyn álemdik rýhanııat deńgeıine kóterdi. Máselen, «Qazaq tarıhynyń álippesi» — ult tarıhyna arnalǵan mańyzdy eńbekteriniń biri. Bul kitapta avtor týǵan halqymyzdyń derbes ulttyq memleketi – arydaǵy Ǵun ulysy, Túrik qaǵandyǵy, beridegi Altyn Ordadan bastaý alatyn Qazaq ordasynyń tereń tarıhyn qamtıdy. Sondaı-aq onyń kórkem aýdarma salasyndaǵy eńbegi de erekshe baǵalanady. Ýılıam Somerset Moemniń shyǵarmalaryn qazaq tiline aýdaryp, álem ádebıetiniń úzdik týyndylaryn qazaq oqyrmandaryna jetkizý jolynda da eleýli eńbek sińirdi.
Muhtar Maǵaýın óz halqynyń ádebıetin álemdik arenaǵa tanytyp, ult rýhanııatynyń irgetasyn nyǵaıtqan jazýshy retinde el esinde, tarıhta máńgi qalady.
Aýyr qaıǵyǵa ortaqtasyp, otbasyna, týǵan-týystaryna jáne ısi qazaq jurtyna kóńil aıtamyn. Marqumnyń jany jánnatta bolsyn!
Mereke Qulkenov,
Jazýshylar odaǵy basqarmasynyń tóraǵasy
