Foto: egemen.kz/ Erlan Omar
Osy jyldyń 1 qyrkúıeginen bastap bakalavrıat stýdentterine beriletin stıpendııa 52 372 teńgege deıin, al pedagogıkalyq jáne medısınalyq baǵyttardaǵy bilim alýshylarǵa – 84 000 teńgege deıin, magıstranttarǵa – 117 098 teńgege, doktoranttarǵa – 262 500 teńgege deıin ósedi.
Internatýrada oqıtyn stýdentter shákirtaqysy – 94 862 teńge, al rezıdentýrada bilim alýshylarǵa – 134 664 teńge kóleminde stıpendııa tólenedi.
Emtıhan sessııasyn «óte jaqsy» tapsyrǵan jaǵdaıda stýdentterdiń joǵary stıpendııa alý múmkindigi saqtalyp qala bermek.
Stýdentterdiń jekelegen sanattary úshin stıpendııaǵa ústemeaqy belgilenip otyr.
Máselen joǵary nemese kásiptik, orta bilimnen keıingi, joǵary oqý ornynan keıingi bilim alatyn kórý jáne estý qabileti buzylǵan bakalavrıat stýdentterine – 94 651 teńge, magıstranttarǵa – 204 921 teńge, doktoranttarǵa – 459 375 teńge ústemeaqy qosylady.
Jaralaný, kontýzııa, aýrý saldarynan múgedektigi bar nemese mertikken adamdarǵa bakalavrıat stýdentterine – 78 558 teńge, magıstranttarǵa – 175 647 teńge, ınternderge – 142 293 teńge ústemeaqy belgilengen.
Ata-anasynyń qamqorlyǵynsyz qalǵan nemese qamqorshylyqtaǵy jetim balalar qataryndaǵy bilim alýshylardyń stıpendııasy 30%-ǵa kóteriledi, ıaǵnı bakalavrıat stýdentterine – 68 083 teńge, magıstranttarǵa – 152 227 teńge, ınternderge – 123 320 teńge ústemeaqy tólenedi.
Memlekettik stıpendııadan basqa, joǵary oqý ornynyń Ǵylymı keńesiniń sheshimi boıynsha 104 744 teńge mólsherinde taǵaıyndalatyn oqýda erekshelengen stýdentterge, olımpıadalardyń, shyǵarmashylyq konkýrstardyń, sporttyq jarystardyń jeńimpazdaryna arnalǵan Prezıdenttik stıpendııa da bar.
Prezıdenttik stıpendııany 3-shi oqý jylynan bastap stýdentter jáne 2-shi oqý jylynan bastap magıstranttar ala alady. Mundaı stıpendııany alýǵa bıýdjettik negizde oqıtyn stýdentter de, aqyly negizde oqıtyndar da quqyly.
