Talǵat Musabaev – kásibı tájirıbesi mol belgili ánshi. Qurmanǵazy atyndaǵy Qazaq ulttyq konservatorııasy men osy joǵary oqý ornynda aspırantýrany tamamdaǵan ol óz sheberligin Italııada Mırella Frenı men Paolo Konı syndy tanymal koýchterdiń jetekshiligimen ótken taǵylymdamalarda jetildirgen.
«Teatrdyń opera trýppasyn basqarý men úshin úlken abyroı ári jaýapkershilik. Onyń joǵary kásibıligin saqtaı otyryp, kórermenderdi jańa qoıylymdarmen qýantýdy jalǵastyra berýi úshin bar kúsh-jigerimdi salamyn. Bizdi alda kóptegen qyzyqty jobalar kútedi», dep atap ótti Talǵat Musabaev.
Jańa basshynyń sózinshe, jýyrda júzege asyrylatyn jobalar retinde Qazaqstan qalalaryna gastroldik saparǵa shyǵý, «Operalııa» halyqaralyq festıvaline qatysý jáne jas ártisterge arnalǵan sheberlik sabaqtaryn ótkizý josparlanǵan.
