Foto: Almaty oblysy PD
Ishki ister mınıstriniń buıryǵymen bul laýazymǵa polısııa polkovnıgi Ashat Barlybaıuly Bekenov taǵaıyndaldy.
Polkovnık Ashat Bekenov 1980 jyly Pavlodar oblysynyń Ertis aýdanynda dúnıege kelgen. 2001 jyly Qaraǵandy zań ınstıtýtyn támámdaǵan. Ishki ister organdarynda 1997 jyldyń tamyzynan bastap qyzmet etip keledi. Mansabyn Pavlodar oblysy Qashyr aýdandyq ishki ister bóliminde jedel ýákil qyzmetinen bastaǵan.
Osy laýazymǵa taǵaıyndalǵanǵa deıin Almaty qalasy PD krımınaldyq polısııa basqarmasy bastyǵynyń orynbasary qyzmetin atqarǵan.
Aıta keteıik, 4 qazan kúni Talǵarda 16 jasar Sherzat Bolattyń óliminen keıin Almaty oblysynyń birneshe joǵary laýazym ıesi qyzmetinen bosatylǵan edi.
Osy oqıǵaǵa baılanysty qyzmetinen bosatylǵandar qatarynda:
- Almaty oblysy Polısııa departamenti bastyǵynyń birinshi orynbasary Serik Shalharov;
- Talǵar aýdandyq Polısııa basqarmasynyń bastyǵy Nurjan Kúntúnov;
- Almaty oblysy Polısııa departamenti ekstremızmge qarsy is qımyl basqarmasynyń bastyǵy Ulan Baıtaqov;
- Almaty oblysy Polısııa departamenti krımınaldyq polısııa basqarmasynyń bastyǵy Rýslan Smaǵulov;
- Almaty oblysy Polısııa departamenti uıymdasqan qylmysqa qarsy kúres basqarmasynyń bastyǵy Dýlat Qaıyr;
- Almaty oblysy Polısııa departamenti uıymdasqan qylmysqa qarsy kúres basqarmasy bastyǵynyń orynbasary Janat Omarov bar.
