Foto: gov.kz
QR Oqý-aǵartý birinshi vıse-mınıstri Natalıa Jumadildaeva ashylý saltanatyndaǵy sóılegen sózinde:
«Jáýtikov olımpıadasy oqýshylardyń ıntellektýaldyq áleýetin damytýǵa ǵana emes, Qazaqstandaǵy bilim berýdiń mártebesin arttyrýǵa da yqpal etetinine senemin», dep atap ótti.
Sondaı-aq, Olımpıadanyń qazylar alqasy tóraǵasy, Ulttyq ǵylym akademııasynyń akademıgi Asqar Jumadildaev óz sózinde Jáýtikov olımpıadasy ár eldiń eń qabiletti oqýshylary arasynda bilim, tájirıbe jáne ıdeıalar almasatyn biregeı alań ekenin atap ótti.
«Bul tapsyrmalar bilimdi tekserip qana qoımaı, synı oılaýǵa, shyǵarmashylyq sheshimder tabýǵa, ǵylymdy ómirde qoldanýǵa úıretedi. Sizderge senimdilik, sáttilik jáne jańa jetistikter tileımin!», dedi Asqar Jumadildaev.
Oqý-aǵartý mınıstrliginiń baspasóz qyzmetiniń málimetinshe baıqaýǵa Qazaqstan, Qyrǵyzstan, О́zbekstan, Túrikmenstan, Tájikstan, Reseı, Belarýs, Armenııa, Ázerbaıjan, Túrkııa, Grýzııa, Bolgarııa, Rýmynııa, Serbııa, Mońǵolııa elderinen 700-ge jýyq qatysýshy keldi.
Olımpıada 5 kúnge sozylyp, jeńimpazdar 17 qańtar kúni anyqtalady. Bilim báıgesiniń qorytyndysy boıynsha jeke reıtıng, sonymen birge mamandandyrylǵan mektepterdiń myqty komandalarynyń reıtıngi shyǵarylady. Olımpıadanyń jeńimpazdary men júldegerlerine baǵaly syılyqtar beriledi.
