Saıys uıymdastyrylǵan Oımıakon aýyly – álemdegi eń sýyq eldi mekenniń biri. Munda synap baǵanasy 1933 jyly – 67,7 gradýsty kórsetken. Jalpy, marafonda Reseıdiń túkpir-túkpirinen kelgen 50 shaqty marafonshy baq synady. Olardyń arasynda áýesqoı ári kásibı sportshylar da bar. Qatysýshylar marafonnyń birinshi kúni 5, 10, 15, 20 shaqyrymdyq qashyqtyqty júgirip ótti. Al ekinshi kúni 42-50 shaqyrymdyq máre syzyǵyn baǵyndyrdy.
Júrek jutqan
Álemniń úsh dúrkin chempıony Iаan Rýz taǵy bir belesti baǵyndyrdy. Estonııalyq sleklaıner Dýbaıdaǵy záýlim ǵımarattardyń arasyn jalǵaǵan 224 metr bıiktiktegi arqannyń ústimen júrip ótti.
Kerilgen arqannyń uzyndyǵy shamamen 100 metr. Sportshy bul jetistigin úsh márte qaıtalaǵan. Aıta keteıik, birer jyl buryn Iаan Rýz bizdiń elge de kelip, áıgili Bozjyra shatqalyndaǵy «qos azýdyń» arasyn jalǵaǵan aspaly arqanmen júrip ótti.
Qylmysty anyqtaıtyn qurylǵy
AQSh-taǵy sot júıesi jańa tehnologııalardy qoldana bastady. Olar kýágerlerdi tyńdap qana qoımaı VR shlem arqyly oqıǵa ornyna «baryp», jaǵdaıdy baqylaı alady.
Mundaı zamanaýı sheshimder – kýágerlerdiń nemese aıyptalýshylardyń sózderin tekserýge taptyrmas qural. Bul vırtýaldy shyndyq bolashaqta sot júıesiniń tolyqqandy jańarýyna yqpal etýi múmkin.
