foto: gov.kz
Olar tájirıbeli ıt úıretýshilerdiń jetekshiligimen jumys isteıdi jáne izdeý-qutqarý jumystaryna, sonyń ishinde úıindiler men kóshkinder astyndaǵy adamdardy izdeýge belsendi qatysady.
Qyzmettik ıtterdi yńǵaıly ornalastyrý jáne úıretý úshin jasaqtarda arnaıy qorshaýlar men jattyǵý alańdary qurylǵan. Sondaı-aq ótken jyly qutqarýshylardyń ıeligine barlyq jaǵdaıy jasalǵan «Toyota Hilux» jańa zamanaýı kınologııalyq qyzmet kólikteri berilgen. Kınologııalyq eseptoptardyń daıyndyǵyn joǵary deńgeıde ustap turý úshin jylyna eki ret sertıfıkattyq synaqtar ótkiziledi, bul kásibı daǵdylardy jetildirýge jáne izdeý-qutqarý jumystarynda tájirıbe almasýǵa múmkindik beredi.
Qyzmettik ıtterdiń qatarynda labrador retrıveri, nemis ovcharkasy, belgııalyq ovcharka, border-kollı, aq shveısarııalyq ovcharka jáne golden retrıver tuqymdastary bar. Bul tuqymdar keremet ıis sezýimen jáne qıyn jaǵdaılarda jumys isteý qabiletimen tanymal. 2024 jyly kınologııalyq eseptoptar 100-den astam izdeý-qutqarý jumystaryna qatysqan. 2023 jyly Túrkııa men Aýǵanstandaǵy joıqyn jer silkinisi kezinde izdestirý-qutqarý jumystarynda belsendi qyzmet kórsetken.
Shyǵys Qazaqstandaǵy kınologııalyq qyzmetti atap óter bolsaq, munda jedel-qutqarý jasaǵynyń quramynda TJD qyzmetkerlerimen bes labrador men aq shveısarııalyq ovcharka qyzmet kórsetedi. Bul tórt aıaqty qutqarýshylar óńirde kóptegen jyldar boıy jumys istep keledi jáne qutqarýshylardyń senimine ıe.
«Bizdiń ıtter izdeý jumystarynda sheshýshi ról atqarady, óıtkeni olardyń ótkir ıis sezý qabileti adam kire almaıtyn jerlerde adamdardy tabýǵa múmkindik beredi. Qutqarýshylardyń názik sezimderi ondaǵan aspaptardy almastyrady jáne izdeý prosesin edáýir jyldamdatady», deıdi Shyǵys Qazaqstan oblysy TJD Jedel-qutqarý jasaǵynyń kınologııalyq qyzmetiniń basshysy Natalıa Drojjına.
Labradorlar meıirimdi tabıǵatymen jáne ártúrli jumys jaǵdaılaryna tez beıimdelý qabiletimen belgili. TJD jasaǵynyń bas qutqarýshy-kınology Marına Sýkanovanyń aıtýynsha qyzmettik ıtterdi kútýge kóp kóńil bólinedi. Árbir janýar kásibı qutqarýshylar sııaqty arnaıy kıimmen jáne aıaq kıimmen qamtamasyz etilgen, bul olarǵa barlyq aýa-raıynda jumys isteýge múmkindik beredi jáne jylý men jaılylyqty qamtamasyz etedi.
