Ishki ister mınıstrliginiń málimetinshe, 2024 jyly jol-kólik oqıǵalary men olardan zardap shekken azamattardyń sany 2023 jylmen salystyrǵanda eki ese artqan. Joldarda 2579 adam qaza tapty. Onyń úshten biri - balalar.
Zardap shekkender arasynda Almaty, Jambyl, Qaraǵandy, Qostanaı jáne basqa da oblystardaǵy tas joldarda apatqa ushyraǵan taksılerdiń jolaýshylary bar. О́kinishke qaraı, olar boıynsha jeke statıstıka júrgizilmeıdi. О́ıtkeni búgingi naryqtyń 95%-y retsiz baǵyttar men beıresmı qyzmetterden turady.
Sonymen qatar naryqta áleýmettik jeliler men messendjerler arqyly jumys isteıtin tasymaldaýshylar bar. Mundaı qyzmetter baqylanbaıdy.
«Qysqasha aıtqanda, jolaýshylardy tasymaldaý júıesi tasymaldaýshynyń jolaýshylar aldyndaǵy jaýapkershiligin saqtandyrý talaptaryna sáıkes kelmeıdi, qyzmetti tasymaldaýshy retinde anyqtaýǵa múmkindik beretin bılet júıesi joq. Qaza tapqandar men zardap shekkenderdiń otbasylary bul sapardyń kommersııalyq bolǵanyn dáleldeýge májbúr, júrgizýshilerdi medısınalyq tekserý jáne jolǵa aldyn ala baqylaý júrgizilmegen. Al kólik quralynyń tehnıkalyq jaǵdaıy saparǵa shyǵar aldynda tekserilmeıdi. Kólik júrgizýshileri jumys nemese demalys kestesin saqtamaıdy jáne demalamastan uzaq jol júredi», dep atap ótti depýtat.
Bul normalardyń barlyǵy jańa emes. Olar «Avtomobıl kóligi týraly» qoldanystaǵy zańnyń 26-babynyń 2-tarmaǵynda kózdelgen. Biraq tapsyrysty alý kezeńinde de, ony oryndaý sátinde de olardyń saqtalýy baqylanbaıdy. О́ıtkeni, tasymaldaýshy kólikterde kóbinese jol polısııasynyń nemese kólik ınspeksııasynyń sáıkestendirý belgileri bolmaıdy.
«Sonymen qatar qazirgi zamanǵy platformalar turaqty marshrýttar men klassıkalyq dıspetcherlik qyzmetterdi birjola umyttyrǵanyn moıyndaý kerek. Taksı qyzmetteri qoljetimdi boldy. Bul óte yńǵaıly, biraq ázirge jaılylyq úshin biz óz densaýlyǵymyz ben ómirimizdi táýekelge qoıamyz. Sondyqtan jolaýshylar tasymalynyń qaýipsizdigi máselelerin sheshý keıinge qaldyrylmaıdy. Qoldanystaǵy zańnama talaptarynyń oryndalýyn qamtamasyz etý qajet», deıdi depýtat.
