Foto: egemen.kz/ Erlan Omar
«ABAI ULTTYQ MEKTEBI» Abaı fılosofııasyna, onyń ishinde «bes asyl is» ıdeıasy negizinde bilim beredi. Oqý prosesi qazaq tili men ádebıetin tereńdetip oqýǵa baǵyttalmaq. Jańa ǵımaratta 900 oqýshynyń bilim alýyna jaǵdaı jasalady.
Oqý-aǵartý mınıstrliginiń málimetinshe, osy baǵytta bilim berýge Almatydaǵy Abaı atyndaǵy mektep-ınternatynyń áleýeti tolyq kólemde qoldanylady.
«Respýblıkalyq daryndy balalarǵa arnalǵan Abaı̆ atyndaǵy arnaıy mektep-ınternatyn modernızasııalaý otandyq bilim salasynyń damýyna jańa serpin berip, óskeleń urpaq arasynda rýhanı-adamgershilik qundylyqtardy nyǵaıtýǵa úles qosady. «ABAI ULTTYQ MEKTEBI» zamanaýı bilim keńistiginde básekege qabiletti jastar úshin oqý-aǵartý ortalyǵyna aınalýy qajet», dedi Oqý-aǵartý mınıstrligine qarasty Orta bilim komıtetiniń tóraǵasy Qanybek Jumashev.
Ulttyq mekteptiń shákirtteri úshin birtutas «ABAY-Programme» baǵdarlamasy ázirlenip jatyr. Onda qazaq tilin men birneshe shet tilin tereńdetip oqýǵa basymdyq berilgen.
Sondaı-aq qurylys jobasynda mektep-pansıon, muǵalimder úı̆i, kitaphana, sport kesheni, jylyjaı̆ aýmaqtaryn salý qarastyrylǵan.
Bilim oshaǵyn 2026 jyly paıdalanýǵa berý josparlanyp otyr.
