Sýqarańǵylyq emdeledi: Almatyda qazaq-nemis glaýkoma ortalyǵy ashyldy

Ortalyqtyń ashylý saltanatynda Qazaq kóz aýrýlary ǵy­lymı-zert­teý ınstıtýty men Berlındegi Qol­danbaly oftalmologııa ınstıtýty arasyndaǵy yntymaqtastyq týra­ly resmı mámilege qol qoıyldy. Osynaý orta­lyqty ashý maqsatynda buǵan deıin de elimizge birneshe ret kelgen Wittenbergplatz kóz klınıkasy bóliminiń meńgerýshisi, derbes Qoldanbaly oftalmologııa ınstıtýtynyń negizin qalaýshy, dırektory, Charité ýnıversıtettik klı­nıkasynyń professory Karl Erb ekijaqty kelisim tájirıbe almasýdy, birlesken zertteýler júrgizýdi, glaý­ko­many emdeýde jańa tehnologııalardy damytýǵa baǵyt­talǵan strategııalyq serik­­tes­tikti nyǵaıtatynyn atap ótti.

Qazirde elimizde glaýkoma dıagnozy qoıylǵan 70 myńnan astam naýqas bar, olardyń sany jyl sanap ósip kele jatqandyqtan, syrqattardy soqyr­lyqtan saq­tap qalý úshin birinshi kezekte der kezinde dıagnostıkalap, ýaqtyly em-dom júrgizý qajet. Glaýkoma – kózishilik qysymnyń joǵarylaýynan paıda bolatyn sozylmaly aýrý, ol kórý júıkesiniń zaqym­dalýy men zaǵıptyqqa dýshar etýi ábden múmkin.

Osy oraıda kóz aýrýlary ǵy­lymı-zertteý ınstıtýty den­saýlyq saqtaýdy damytýdyń memlekettik baǵdarlamasy sheń­berinde 2011 jyldan beri júr­gizip kele jatqan glaýko­ma skrınıngi sheshýshi ról atqa­ra­tynyn atap ótý kerek. Osy baǵ­dar­lamanyń arqasynda sýqa­rań­ǵyny asqyndyrmaı anyqtaý eki ese ósken.

Qazaq-nemis glaýkoma orta­ly­ǵynyń ashylý saltanatynda KA QazǴZI Bas dırektory Neılıa Aldasheva: «Bul is-shara – halyqaralyq baılanystar­dy nyǵaıtýdyń mańyzdy qadamy. Qazaq-nemis glaýkoma ortalyǵy­nyń ashylýy – professor Karl Erb basqaratyn Qoldanbaly oftalmologııa ınstıtýtymen strategııalyq seriktestiktiń nátı­jesi. Jańa ortalyq bizge glaý­koma sııaqty áleýmettik mańyzdy syr­qat­pen kúresýge kómektesedi. Elimizde oftalmologııalyq qyz­metti jetildirý jónindegi ju­mystardy sátimen, júıeli jal­ǵas­ty­ra beremiz», dedi.

Professor Karl Erb bul ynty­maqtastyq el kólemindegi glaý­­komaǵa shal­dyqqandarǵa shıpa ákeletin tájirı­be almasý alańy ekendigin aıta kele: «KA QazǴZI-daǵy zamanaýı jab­dyqtar men maman­dardyń joǵary ká­sibı­­liginiń arqasynda júzege asqan jańa ortalyq glaýkomany emdeý men dıagnostıkalaýdaǵy ma­ńyzdy meje. Birlesken qarym-qaty­nasymyz qalypty damyp, óz jemisin beretinine senimdimin», dep atap ótti.

Otandyq oftalmologııa sala­syndaǵy aıtýly oqıǵaǵa ortaq­tasqan Almaty qalasy ákiminiń orynbasary Ásem Núsipova­nyń aıtýynsha, Almaty qalasy medı­sınanyń damýyna aıtarlyqtaı kóńil bólip otyr.

Densaýlyq saqtaý mınıstr­liginiń shtattan tys bas oftalmologi, professor Tursyngúl Botabekova sýqarańǵyny asqyn­dyr­maı anyqtaýdyń, jańa tehno­logııalardy engizýdiń mańyz­dy­ly­ǵy­na toqtala kele: «40 jastan keıin kózdi teksertýge jaýapkershilikpen qaraý kerek. Eger operasııa ýaq­ty­ly jasalmasa, kórý qabileti jo­ǵal­ýy múmkin. Lazerlik, basqa da kóp­tegen ádister sııaqty jańa tehnologııalardy engizý asa mańyzdy. Germanııadan kelgen áriptestermen birlese otyryp, osy baǵyttaǵy jumysty jandandyryp, kúsheıte beremiz», dedi.

Almaty qalalyq qoǵamdyq den­saýlyq saqtaý basqarmasynyń bas­shysy Ásııa Aqanova óńirdegi densaýlyq saqtaý júıesin jaq­sar­tý, kóz aýrýlaryn dıagnos­tıkalaý men emdeýdiń qoljetim­di­ligin arttyrýda ortalyqtyń ashyl­ýy óte mańyzdy ekendigin atap ótti.

Ortalyqtyń ashylý saltanatynan keıin semınar uıym­das­ty­rylyp, el aımaq­ta­ry­nan kelgen ma­mandar glaýkomany dıagnos­tı­kalaý men emdeýdiń zamanaýı tásilderin talqylady.

Túıip aıtqanda, toqsan jyldyq tarıhy bar Qazaq kóz aýrýlary ǵylymı-zertteý ınstıtýty ǵylym, bilim be­rý, klınıkalyq áleýetiniń joǵary deń­geıine qol jetkize otyryp, otandyq oftalmologııanyń jetekshi ortalyǵy retindegi bedelin bekemdeýdi belsendi túrde jalǵastyra beredi.

ALMATY