Foto: gov.kz
Jol kartasynda óńirdegi qylmys sanyn bıyl 10 paıyzǵa, 2026 jyly 15 paıyzǵa tómendetý kózdelgen.
Sondaı-aq, aýyr jáne asa aýyr qylmystar, qoǵamdyq oryndardaǵy quqyq buzýshylyqtar, kámeletke tolmaǵandar arasyndaǵy quqyq buzýshylyqtar sanyn qysqartý, sondaı-aq jol apaty saldarynan qaza tapqandar men zardap shekkender sanyn 2025 jyly 25 paıyzǵa, 2026 jyly 30% azaıtý josparlanǵan.
Keńeske qatysýshylar osy maqsatta atqarylatyn isterdi pysyqtady.
Onyń ishinde krımınogendik aımaqtardy anyqtap, taldaý júrgizý, reıd sharalaryn kóbeıtý, eskertpe qaǵazdardy daıarlaý, «Zań kerýeni» aksııasyn turaqty ótkizý syndy jumystar bar.
«Sondaı-aq, buryn sottalǵandar úshin jeke ońaltý josparlaryn iske asyrý, qaıtalama qylmystardyń aldyn alý, áleýmettik kásipkerlikti paıdalaný jáne memlekettik satyp alý sheńberinde merdigerlermen memorandýmdar jasasý arqyly jumysqa ornalastyrý, sondaı-aq qıyn ómirlik jaǵdaıdaǵy otbasylarmen jumys qamtylady. Zamanaýı tehnologııalardy engizý arqyly jedel jeliler, telegram-bottar, halyqpen jedel ózara is-qımyl jasaýǵa arnalǵan mobıldi qosymshalar qoldaný. Qaýipsizdik ınfraqurylymyn damytý josparlanyp otyr», delingen oblys prokýratýrasynyń habarlamasynda.
Qosymsha beınebaqylaý kameralaryn ornatý da jol kartasyna engizilgen. Memlekettik-jekemenshik áriptestik sheńberinde ákimdik «Sergek» qoǵamdyq jáne jol qaýipsizdiginiń zııatkerlik júıesin engizý jobasyn iske asyryp jatyr. Joba aıasynda Almaty oblysy boıynsha 9 myń qoǵamdyq qaýipsizdik kamerasy men 325 apparattyq-baǵdarlamalyq keshen ornatý josparlanǵan.
Aımaqtaǵy quqyq buzýshylyqtyń aldyn alý, kámeletke tolmaǵandardyń isteri, áıelder isteri jáne otbasylyq-demografııalyq saıasat jónindegi vedomstvoaralyq komıssııalardyń jumysyn túbegeıli qaıta retteledi.
