Bolat joldyń bilgiri

Kópshilikke málim, Atbasar aýda­nyndaǵy eńbekshi azamat­tar­dyń kóbi násibin temirjoldan taba­dy. So­nyń biri – Atbasar elektrovoz jón­deý za­ýy­tynyń qarapaıym jumys­shy­sy, adal eńbekten abyroı tap­qan atpal azamat Saǵyndyq Orazuly.

«Bizdiń Atbasar elektr jón­deý zaýytynyń tarıhy ótken ǵasyr­dyń qyrqynshy jyldarynan, parovoz deposy jumys isteı bas­taǵan kezden bastalady. Búginde «Qamqor Lokomotıv» JShS-nyń «Atbasar elektrovoz jóndeý zaýyty» fılıaly – VL80, VL40M serııaly elektrovozdarǵa kúrdeli jóndeý, tehnıkalyq qyz­met kórsetýdi, qyzmet etý mer­zi­min uzarta otyryp, elektro­voz­dardyń jyljymaly quramyn jańǵyrtýdy, olarǵa qosalqy bólshekter óndirýdi oryn­daı­tyn iri kásiporyn. Zaýyt­ta óndiris úderisin jaqsartý, kásiporynnyń básekege qabilet­tiligin arttyrý jolyn­da, jańa tehnologııalar men jumys ádisterin batyl engize otyryp, kásipqoılyq pen sheberliktiń joǵary deńgeıin kórsetip júrgen myńnan astam adam jumys isteıdi. О́nim sapasyn jaqsartý maqsatynda 2006 jyly elektrovozdardy jýý jáne boıaý sehy, 2009 jyly lokomotıvterdi jańǵyrtý sehy paıdalanýǵa berildi», deıdi ol.

Mamannyń aıtýynsha, 2017 jyly kúrdeli jóndeýden ótken Atbasar elektrovoz jóndeý zaýyty – elimizdegi eń qýatty lokomotıv jóndeý kásiporny.

«Saǵyndyq Orazuly – tájirıbesi mol, áriptesteri arasynda, zaýyt basshylyǵy aldynda bedelge ıe kánigi maman. О́z jumysyna óte uqypty, joǵary jaýapkershilikpen qaraıdy. Elektrovozdardyń avtotejegish jabdyqtar júıe­sin tolyq ıgergen sanaýly she­ber­diń biri. Onyń VL80, 40 SK/TK, VL11 serııaly elektro­voz­dardy jóndeýdegi biliktiligi jas mamandarǵa úlgi. Bul is-shara­lar elektrovozdardyń jumys is­teý merzimin uzartýdy qa­m­ta­ma­syz etedi, sol arqyly eli­miz­degi temirjol salasyn damy­tý­ǵa lepti úlesin qosady», deı­di Atbasar elektrovoz jón­deý zaýytynyń úılestirýshisi Baýyrjan Balǵazın.