Muhtar ALTYNBAEV,
Senat depýtaty:
– Qazaqstan halqynyń birligi kúni elimizde keńinen atap ótilip jatyr. Bul merekeniń mán-mańyzy erekshe. Osy kúni halqymyzdyń yntymaǵy, tatýlyǵy anyq kórinedi. Barsha qazaqstandyqtardyń otanǵa, elge, jerge degen patrıottyq sezimin jańǵyrtatyn osynaý aıtýly meıramǵa erekshe kóńil bólinýi quptarlyq is. Sebebi, mundaı jalpyhalyqtyq mereke eldik sanany kóterýge, birlikti nyǵaıtýǵa, urpaq tárbıesine ońtaıly yqpal etedi.
Bıylǵy 1 mamyr meıramyn jurtymyz óte saltanatty jaǵdaıda qarsy alyp otyr dep aıta alamyn. О́ıtkeni, bul meıramǵa sanaýly kúnder qalǵanda tatýlyǵymyzdy álemge taǵy bir ret pash etip, memleketimizdiń Prezıdentin uıymshyldyqpen saılap aldyq. Halyq biraýyzdan Elbasy Nursultan Nazarbaevqa daýys berdi. Dáliregi, jurtymyz turaqtylyqty, beıbitshilikti, ornyqty damýdy qamtamasyz etip kele jatqan Nursultan Nazarbaevty qoldady. Budan biz halyqtyń óz tańdaýyn jasarda qatelespegenin uǵamyz. Saılaý barysynda halqymyzǵa el birliginen ózge eshteńe keregi joq ekeni túsinikti boldy.
О́zderińiz bilesizder, ústimizdegi jyldyń 29 sáýirinde Qazaqstan Prezıdentin ulyqtaý rásiminde Memleket basshysy asa mańyzdy máseleler kóterdi. Naqtylaı aıtsam, Elbasynyń saılaýaldy baǵdarlamasynda kórsetilgen bes ınstıtýttyq reformany júıeli túrde júzege asyrýǵa qatysty aýqymdy mindetter kún tártibine shyǵaryldy. Endi biz solardy oryndaýǵa barlyq kúsh-jigerimizdi jumsaýymyz qajet.
Rozaqul HALMURADOV,
Májilis depýtaty:
– Búgingi shýaqty shaq, ıaǵnı, Qazaqstan halqynyń birligi kúni kózi ashyq, kókiregi oıaý azamat tebirenbeı tura almas. Bul merekede memleketimizdiń mereıi tasyp, mártebesi bıikteı túsedi. Yntymaǵy jarasqan, beıbitshilikti tý etken Qazaqstannyń berik ustanymyn aıǵaqtaıtyn osynaý meıramda qýanbaýǵa, shattanbaýǵa bola ma?!
Tatýlyqqa arnalǵan bıylǵy 1 mamyr merekesi burynǵy jyldardaǵydan múlde ózgeshe keldi. Osy meıramnyń qarsańynda barsha qazaqstandyqtar Elbasyna degen senimderi berik ekenin taǵy bir ret dáleldedi. Naqtysyn aıtqanda, 26 sáýirde ótken prezıdenttik saılaýda Nursultan Nazarbaevqa buryn-sońdy bolmaǵan deńgeıde daýys berildi. Bul, árıne, halyqtyń ol kisige degen sheksiz qurmetin, senimin bildiredi.
Osy arada aıta keteıin, Prezıdent qazirgi jahandyq syn-qaterlerge qarsy kúresýge, sony eńserýge, 30 damyǵan memleket qataryna kirýimizge jol ashatyn Ult josparyn túzý qajettigin alǵa tartyp otyr. Bul baǵytta naqty jumystar qazirden bastalyp ta ketti. Aldaǵy 10-15 jylǵa arnalǵan osy jospardy oryndaý úshin tek Úkimet, memlekettik organdar ǵana emes, búkil halyq atsalysý kerek. Qazirgi tańda komıssııa quryldy. Endi Ult jospary bekitilse, Qazaqstannyń tynysy ashyla túsedi. О́zimizdiń aldymyzǵa qoıǵan ambısııalyq mindet – aldyńǵy qatarly 30 memlekettiń qatarynan kórinsek degen tilegimiz de sonyń aıasynda júzege asady dep sanaımyn. Bul oraıda Qazaqstan halqy Assambleıasy da qarap qalmaıdy, óz úlesin qosady.
Kamal BURHANOV,
Májilis depýtaty:
– Qazaqstan halqynyń birligi kúni Prezıdenttiń Jarlyǵy negizinde 1996 jyldan beri toılanyp keledi. Jyl saıyn osynaý merekeni asyǵa kútip, qýana qarsy alatyn qazaqstandyqtar bıyl da sol dástúrinen jańylǵan joq. Halyq kóńildi, erekshe qýaný ústinde. Negizinen, birligi myǵym, irgesi nyq, aspany ashyq eldiń áleýmetine ár kún meıram ǵoı. Osyndaı mereıli shaqtardan ajyramaıyq.
Barlap qarasań, qazaqstandyqtardyń qaı meıramdy bolsyn shattana toılaǵany jarasyp turady. Sebebi, turmysy táýir, qoǵamy tynysh, azamattary sanaly eldiń jóni bólek qoı.
Jalpy, bıylǵy merekeniń qarsańynda elimizde jaǵymdy jańalyqtar kóp boldy. Onyń ishinde Prezıdentimizdi saılap alǵanymyzdy aıryqsha atap ótýge bolady. Sondaı-aq, Qazaqstan Prezıdentin ulyqtaý rásiminde Nursultan Nazarbaevtyń kótergen keremet bastamalary, tushymdy usynys-pikirleri eldiń eńsesin kóterip, bir serpiltip tastady. Ásirese, Elbasynyń qoǵamymyzdy Jańǵyrtý máselelerine qatysty aýqymdy máselelerdi kún tártibine shyǵarýy kóńil marqaıtty. Ult jospary túziletin boldy. Qazir osy baǵyttaǵy jumystar bastalyp ketti. Jańadan qurylǵan Ulttyq komıssııa Elbasynyń tapsyrmalaryna sáıkes, qoǵamdyq oı-pikirler jınaqtap jatyr. «Elimizdi toqtaýsyz qalaı damyta beremiz?» degendeı suraqqa jaýap izdeý isi oń nátıje beredi dep oılaımyn.
Jambyl AHMETBEKOV,
Májilis depýtaty:
– Halqymyzdyń birligine arnalǵan 1 mamyr merekesi qutty bolsyn! Elimizdiń berekesi kirip, áleýeti artyp otyrǵany osy aýyzbirshiligimizdiń arqasy ekenin tereń túsinetin áleýmetke aıtar alǵysym sheksiz.
Bıyl Qazaqstanda maqtanyshpen aıtar jumystar júzege asyrylyp jatyr. Adaldyq úshin aıtaıyn, munyń barlyǵy Prezıdenttiń, onyń sońynan ergen uıymshyl jurtymyzdyń arqasy ekeni daýsyz. Desek te, aldymyzda turǵan bıik asýlardan ótý úshin biz únemi izdeniste bolyp, ýaqyt talabyna saı áreket etýimiz kerek. Osyny jan-dúnıesimen túsinetin Elbasymyz memleketimizdiń áleýetin, halqymyzdyń belsendiligin esepke ala otyryp, kóptegen mindetterdi alǵa qoıdy. Men onyń barlyǵyn qaıtalap jatpaıyn. Tek, birdi-ekili jaǵdaıattarǵa toqtalyp óteıin. Qazaqstan Prezıdentin ulyqtaý sharasynda Elbasy ındýstrııalandyrýǵa negizdelgen ekonomıkalyq ósimdi qamtamasyz etý maqsatynda qurylymdyq reformalardy júzege asyrý kerektigin sóz etti. Sondaı-aq, Memleket basshysy bilim berý men densaýlyq saqtaý salalaryn halyqaralyq standarttarǵa saı damytý baǵdaryn ustaný qajettigine de basa nazar aýdardy. Bul halyqqa ýaqyt yrǵaǵyna sáıkes qyzmet kórsetýdi qamtamasyz etýdi kózdeıdi. Negizinen, osyndaı jalpyulttyq mindetti júzege asyrýda basty baǵyttardy kórsetetin bul reformalar Qazaqstandy kórkeıtýdiń kepili bolatynyna senemin.
Sýretterdi túsirgen
Erlan OMAROV.
