Baýyrjan Babajanuly 1969 jyly 21 aqpanda Qaraqalpaqstan Respýblıkasynyń Moınaq aýdanynda dúnıege kelgen.
1995 jyly ál-Farabı atyndaǵy QazUÝ fılologııa fakýltetin bitirdi.
Eńbek jolyn 1995-1996 jyldary QR UǴA M.O.Áýezov atyndaǵy Ádebıet jáne óner ınstıtýtynda kishi ǵylymı qyzmetker bolyp bastady.
1996-1999 jyldary «Jalyn» jýrnalynda, «Ana tili» – «Jalyn» birlesken basylymdarynda bólim meńgerýshisi, 2000 jyly «Altyn Orda» táýelsiz aptalyǵynda bas redaktordyń orynbasary qyzmetterin atqardy. Sondaı-aq 2000 jyldan bastap Aqtóbe oblystyq «Aqtóbe» gazetiniń bas redaktory laýazymy boıynsha jemisti eńbek etip keldi.
Onyń óleńderi «Tolqynnan tolqyn týady», «Jas aqyndar antologııasy» ujymdyq jınaqtaryna engen. Al «Aspan men jerdiń arasy» atty tuńǵysh jyr jınaǵy 2001 jyly «Otyrar kitaphanasy» serııasymen jaryq kórdi. Odan keıin 2006 jyly «Jazýshy» baspasynan «Ýáde» atty kitaby shyqty.
2003 jyly ótken halyqaralyq «Shabyt» shyǵarmashyl jastar festıvaliniń «Ádebıet» nomınasııasy boıynsha bas júlde ıegeri. Sonymen qatar «Qazaqstan Respýblıkasynyń Táýelsizdigine 10 jyl», «Astanaǵa 10 jyl» merekelik medaldarymen marapattalǵan.
Qazirgi ýaqytta halyqaralyq Túrkistan gazetiniń bas redaktory qyzmetin atqarady.
