Foto: Ashyq derekkózden
Qalalyq máslıhattyń burynǵy depýtaty Qaırat Qudaıbergen 8 jylǵa sottaldy. Ol 2022 jyldyń sáýirinde Qańtar oqıǵasy kezinde jappaı tártipsizdikterdi uıymdastyrdy degen kúdikpen ustalǵan edi.
Aldyn ala tergeý boıynsha Q.Qudaıbergen A. Jumageldıevpen («Dıkıı Arman») birge «Qazaqstan» qonaq úıinde adam jınaýdy uıymdastyryp, Jumageldıevtiń aınalasyna birigýge, ony qoldaýǵa shaqyrǵany úshin aıyptalǵan. Sottalýshy 10 adamnan «uıashyqtar» boıynsha bólip, top erekshelikteriniń belgisi retinde qoldaryna aq tańǵyshtardy tańýǵa nusqaý bergeni anyqtalǵan.
Sodan keıin Qaırat Qudaıbergen men Arman Jumageldıev jınaǵan top alańǵa shyǵyp, Jumageldıev tóńiregindegi mıtıngilerdi biriktirýge, alańda jedel shtab uıymdastyrýǵa jáne bılikke biryńǵaı talaptar qoıýǵa tyrysqan.
Olarǵa qatysty sot prosesi 2023 jyldyń qyrkúıeginde bastalǵan edi.
Sondaı-aq, Qańtar oqıǵasyna baılanysty aıyptalǵan UQK besinshi departamentiniń burynǵy basshysy Rýslan Ysqaqov 15 jyl 6 aıǵa sottalyp, memlekettik nagradalarynan aıyryldy.
