Tarazda da kartop baǵasy qymbat

Áleýmettik mańyzy bar azyq-túlik taýarlarynyń baǵasyn turaqtandyrý – kún tártibinen túspeıtin ózekti másele. Bul iske «Taraz» ÁKK, ob­lys ákimdigi Kásipkerlik jáne ındýstrııalyq-ınnovasııalyq damý basqarmasy jumylǵan ju­dy­ryqtaı kiristi. Keshendi túrde atqarylǵan jumys óz nátıjesin berdi. Oblys ákimdigi baspasóz qyzmeti keltirgen málimetke súıensek, oblys ortalyǵy Taraz qalasy aýmaǵyndaǵy saýda núktelerine 800 tonna kartopqa taýarlyq ıntervensııa júrgizýge der kezinde tapsyrma berilgen. Maýsymaralyq kezeńde 3 050 tonna kartopqa forvardyq kelisimshart jasalǵanyn da aıta ketken jón.

Jalpy, Taraz qalasyndaǵy áleýmettik dúkender bastaǵan 64 saýda ornyna 82,8 tonna kartop belgilengen baǵamen, ıaǵnı 130 teń­ge­den ótkerý úshin jetkizilgen kóri­nedi. Arzan kartop jetkizilgen iri saýda oryndarynyń qatarynda «Nu­rıslam», «Fırkan», «Vkýsnaıa kor­zınka» sekildi dúkender de bar.

«Áleýmettik saýda nysandarynan kartop, pııaz, jumyrtqa sekildi ózge de azyq-túlikti qol­je­t­imdi baǵamen satyp alý múm­kindigi týǵany – qarapaıym halyq úshin tıimdi. Árıne, buıyr­ǵanyn alyp jatyrmyz. Taraz turǵyndaryn jaǵdaı jasap otyrǵan azamattarǵa aıtar alǵy­symyz zor», deıdi shahar turǵyny Bıbihadısha
Otarova.

Dúken ıeleri keltirgen de­rek­ke sensek, saýda oryndaryn­da kúnine 3-4 qap kartop bel­gilengen baǵamen satylyp jatyr. О́zge de negizgi azyq-túlik túrleri qoljetimdi baǵa­men saý­dalanady. Baǵanyń sha­ryqtap ketpeýin quzyrly organ­dar qatań baqy­laýǵa alǵan.

«Áleýmettik dúkenderde kartop 130 teńgeden, sábiz 90 teńgeden satylyp jatyr. Osy sanattaǵy saýda núktelerin­de otbasyna qa­jet­ti azyq-tú­lik taýarlaryna qol­jetimdi baǵa qoıylǵanyn aıta ket­ken jón. Bul – turǵyndar úshin óte tıimdi», deıdi qala tur­ǵyn­darynyń biri Nursultan Batyrbaev.

Áleýmettik mańyzy bar taýar­­lardyń baǵasyna quzyrly or­gan­dar tarapynan kúndelikti mo­nı­torıng júrgizilip, zań­da kórse­tilgen ústemeden ar­tyq soma qo­syp ótkergen kásip­ker­ler ákim­shilik jaýapqa tartylmaq.

Áleýmettik dúkender men birqatar saýda núktesinde kartop baǵasy turaqtalǵanymen, bazarlar men ózge de saýda oryndarynda baǵany turaqtandy­rý múmkin bolmaı tur. Mundaı­da kópshiliktiń azyq-túlikti áleýmettik dúkenderden jappaı izdeıtini de túsinikti.

Taraz