Foto: depositphotos.com
Bıylǵy jyldyń 11 qańtarynan bastap moped ıeleri tirkeý rásiminen jeńildetilgen tártippen óte alady. О́z kezeginde QR Ishki ister mınıstrligi qajetti qujattardyń tizbesin ázirlegen. Mopedtiń jaqtaýynda sáıkestendirý nómiri bolmasa da tirkeýge ruqsat etiledi. Elimizdegi alǵashqy tirkelgen eki dóńgelekti kólik ótken aptada Almatyda tehnıkalyq pasport pen memlekettik tirkeý nómirin aldy.
Qazirdiń ózinde qalada 60 moped resmı tirkeýden ótken. Polısııa moped ıelerine arnalǵan aqparattyq jadynamalar men qujattar tizimi kórsetilgen kitapshalardy taratýda. Materıaldar transport ıeleri kóp jınalatyn jerlerde, sondaı-aq buqaralyq aqparat quraldary men áleýmettik jeliler arqyly qol jetimdi.
2025 jyldyń 5 sáýirinde kúshine enetin jańa zańnamalyq túzetýlerge sáıkes, mopedter mehanıkalyq avtokólikterge teńestiriledi. Mundaı kólikti paıdalanýǵa polısııada tirkeýden ótken jaǵdaıda ǵana ruqsat etiledi. Sonymen qatar, moped ıeleri A1 sanatyndaǵy júrgizýshi kýáligin alýy tıis.
Aıdyn Merkimbaevtyń aıtýynsha, tirkeý eksaýmaqtyq qaǵıdaty boıynsha júzege asyrylady jáne barsha moped ıelerine osy rásimdi jeńildetedi.
Osy oraıda Almaty polısııasy zań talaptaryn saqtaýdyń mańyzdylyǵyn eske sala otyryp, júrgizýshilerdi aldaǵy ýaqytta quqyq buzýshylyqtarǵa jol bermeý úshin tirkeý rásiminen der kezinde ótýge úndep jatyr.
ALMATY
