Sýret: senate.parlam.kz
Komıtet tóraǵasy Andreı Lýkın tujyrymdama jobasynda Almaty oblysyndaǵy «Alataý «ITP» AEA aıasynda qanatqaqty alań retinde tańdalǵanyn atap ótti. Alaıda depýtattyń aıtýynsha, mundaı jobany júzege asyrýda Kýrchatov qalasynyń erekshe artyqshylyǵy bar.
«Bizdiń komıtet ótken jyldyń sońynda Kýrchatov qalasy men Ulttyq ıadrolyq ortalyqtyń nysandaryn aralady. Iаdrolyq ortalyq – Kýrchatov qalasynda qala negizin quraıtyn kásiporyn. Búgingi tańda Kýrchatov elimizdegi negizinen ǵylymı uıymdar shoǵyrlanǵan jalǵyz monoqala bolyp otyr, sonymen qatar ol burynǵy synaq polıgony aýmaǵynyń ákimshilik ortalyǵy qyzmetin atqarady. Iаdrolyq ortalyqtyń qyzmetimen tanysa otyryp, biz onyń aýmaǵynda álemde teńdesi joq kóptegen ǵylymı qondyrǵylardyń ornalasqanyna kóz jetkizdik. Bizdiń ǵalymdar basqa elderdegi – Fransııa, Japonııa jáne Reseıdegi áriptesterimen qatar ıadrolyq reaktor jasaýshylardyń qatarynda sanalady. Eń bastysy, olar munda ǵylymnan aqsha tabýdy úırendi. Demek, basqasha aıtqanda, álemdik deńgeıde ǵylym da, mamandar da, jabdyqtar da, kommersııalyq paıda da bar», dep atap ótti A.Lýkın.
Parlamentshiler sonymen qatar qalanyń ekonomıkalyq belsendi halqynyń 25%-dan astamy ǵylymmen aınalysatynyn, al jumys istep turǵan ǵylymı kásiporyndar paıda ákeletinin atap ótti.
«Bizdiń komıtet Kýrchatov qalasynda ótken kóshpeli otyrystyń qorytyndysy boıynsha Úkimetke Kýrchatov qalasyna ǵylym qalashyǵy mártebesin berý týraly usynymdar men depýtattyq saýal joldady. Sondaı-aq Úkimetten «Ǵylymdy qajetsinetin aýmaqtar týraly» arnaıy zańnyń qabyldanýyn qoldaýdy surady. Úkimet óz jaýabynda depýtattyq saýalda kóterilgen másele múddeli memlekettik organdarmen pysyqtalyp jatqanyn habarlady jáne qaraý nátıjesi týraly depýtattardy qosymsha habardar etýge ýáde bergen bolatyn. Alaıda búginge deıin eshqandaı qosymsha aqparat alǵan joqpyz. Sondaı-aq qoǵamda strategııalyq sıpattaǵy dep aıtýǵa bolatyn, ıaǵnı ǵylym qalasyn tańdaý máselesi týraly jospardyń keńinen talqylanýy da baıqalmady. Osyǵan baılanysty biz búgin barlyq taraptyń oı-pikirin tyńdaýǵa jáne Kýrchatov qalasynda alǵashqy jobany iske asyrý jóninde tujyrymdama jobasyna tolyqtyrýlar engizý múmkindigin talqylaý úshin múddeli taraptardy shaqyryp otyrmyz», dedi A.Lýkın.
Qatysýshylar otyrys qorytyndysy boıynsha alǵashqy alań retinde Kýrchatov qalasyn qosý úshin tujyrymdamaǵa tolyqtyrý engizý týraly Úkimetke usynym jiberý, sondaı-aq ǵylymdy qajetsinetin aýmaqtar týraly zań jobasyn qaraýdy jedeldetý týraly sheshim qabyldady.
