Foto: akzhol.kz
Al kúni keshe Prezıdent Qasym-Jomart Toqaev májbúrleý sharalary bolmasa, tártip ornatý múmkin emes ekenin álemdik tájirıbe kórsetip otyrǵanyn aıta kele, elimizdi mazaq etýge beıim bolý áreketterin synady. Memleket basshysy osyndaı top arasynda ózin qoǵam belsendisi sanaıtyndar, shoý-bıznes ókilderimen qatar depýtattar da bar ekenin atap ótti.
Májiliste «Sizder shtrafstan quryp jatyrsyzdar» degen Azat Perýashev sátsiz termın qoldanǵanyn moıyndap, sabaq alǵanyn aıtty.
«Men Qasym-Jomart Kemelulynyń pikirimen kelisemin. Biz otanymyzdy súıemiz. Ol týraly aıtqan kezde ózgelerdiń qalaı qabyldaıtynyn eskerýimiz kerek. Keı máselelerdi sheshý úshin aıtqandarymyz memge aınalyp jatady. Sátsiz termın qoldanǵanymdy túsinemin. Odan sabaq aldym. Parlamentte otyrǵannan keıin resmı tilde sóıleýimiz kerek», dedi Azat Perýashev.
