Foto: inbusiness.kz
«Qoldanystaǵy beketterdi jobalaý barysynda metropolıten nysandaryn salýdy retteıtin normatıvtik qujattarda platformalarǵa avtomatty jyljymaly esikter ornatý kózdelmegen edi. Bul qujattarǵa ózgeris tek 2022 jyly engizilgendikten, biz jolaýshylardyń qaýipsizdigin qamtamasyz etýde osy úderisti qalaı uıymdastyrýǵa bolatynyn oılastyrdyq. Bul júıeli tásildi qajet etetindikten, qazirgi tańda salynyp jatqan jáne jobalanatyn beketterde platformalyq qorshaýlar ornatý qarastyrylǵan», dedi Almaty metropolıteniniń dırektory Almasbek Orynbekov.
Qorshaýlar vagondar arasyndaǵy keńistikti shekteý úshin ornatylyp, metrony paıdalaný shyǵyny esebinen júzege asyrylmaq, ıaǵnı bıýdjet qarajaty tartylmaıdy. Bul jolaýshylardyń qaýipsizdigin arttyrýǵa baǵyttalǵan ýaqytsha sheshim, ol turaqty platformalyq esikter (screen doors) ornatylǵanǵa deıin qoldanylady.
«Biz bul kúnderi vagondar arasyndaǵy ýaqytsha bólý konstrýksııalaryn montajdaýdy jalǵastyrýmen qatar, synaqtyq jumystardy júzege asyryp jatyrmyz. Men jeliden kompozısııany toqtatqan kezde bólimderdiń biri vagonaralyq keńistikke yǵystyrylǵan fotosýretin kórdim. Taǵy da osy epızodtyń synaq barysynyń bir bólshegi ekendigin túsindirgim keledi. Mundaı jaǵdaılar muqııat taldanady. Jumys prosesi toqtamaıdy – ınjenerler júıeniń jumysyn qamtamasyz etý úshin montajdaý jumystaryn kópsatyly tekserýler arqyly úılestiredi», deıdi Metropolıten basshysy.
Onyń aıtýynsha, aldymen tot baspaıtyn jyltyr metaldan jasalǵan tirekter ornatylady, keıinnen olarǵa soqqyǵa tózimdi shyńdalǵan shynydan jasalǵan qorshaýlar bekitiledi. Bul jumystar jaqynda aıaqtalady dep josparlanyp otyr.
«Avtomattandyrylǵan platformalyq qorshaýlardy ornatý uzaq ýaqytty qajet etedi, óıtkeni ol úshin jobalaý, tehnıkalyq-ekonomıkalyq negizdeme, qarjylandyrýǵa qosa, memlekettik satyp alý rásimderin ótkizý qajet. Osyǵan baılanysty jolaýshylardyń qaýipsizdigi úshin ýaqytsha metall qorshaýlar ornatylyp jatyr», dep sózin túıindedi Almasbek Orynbekov.
