Sýret: istockphoto.com/ Max Zolotukhin
Negizgi kapıtalǵa salynǵan ınvestısııa 92,9 mıllıard teńge, bul kórsetkish te burnaǵy jylǵa qaraǵanda 12%-ǵa ósken. Jeke kásipkerler salǵan qarajattyń arqasynda qalada 35 jańa ornalastyrý nysany, onyń ishinde 23 qonaqúı, 4 glempıng, 8 hostel ashylǵan. Bul da bolsa qordaǵy qonaqúılerge 836 bólme qosyp, týrısterdi qabyldaý ınfraqurylymyn aıtarlyqtaı nyǵaıtqan.
«Mastercard» kompanııasynyń málimetinshe, 2024 jyldyń 11 aıynda Almatyǵa týrısterdiń qanaǵattaný ındeksi 67-ge kóterilgen, bul da týrızmniń jaǵdaıy 2,7%-ǵa jaqsarǵanyn bildiredi. Týrıster aldymen atap ótken negizgi faktorlardyń qatarynda qaýipsizdik pen qyzmet kórsetý sapasy bar.
Eń bastysy, byltyr Almatyda týrızm salasy mamandarynyń biliktiligin arttyrýda bitqatar sharýalar atqaryldy. Shilde men qarasha aralyǵynda kólik toraby, týrıstermen jumys isteıtin 400-deı qyzmetker aǵylshyn tili kýrstaryna tartyldy.
Qarasha aıynda týrızm salasyna qyzmet etetin 420 mamanǵa arnalǵan fasılıtasııa dárisi ótkizildi. Dárister Dúnıejúzilik saıahat jáne týrızm keńesi (WTTC) usynǵan halyqaralyq sarapshylardyń qatysýymen uıymdastyryldy.
Sonymen qatar qyrkúıek, qazan aılarynda Respýblıkalyq jedel-qutqarý jasaǵy (RJQJ) qutqarýshylaryna arnalǵan bastapqy daıyndyq baǵdarlamasy boıynsha oqytý uıymdastyryldy. Almaty sııaqty taýly aımaqqa bul jattyǵýlar asa kókeıkesti ekendigi aıtpasa da túsinikti.
Almaty halyqaralyq týrıstik ındýstrııadaǵy mártebesin nyǵaıta otyryp, aldaǵy ýaqytta saıahatshylarǵa jańa múmkindik týdyrýǵa umtylady. Bıyl taýly jerlerdegi, qalalyq ınfraqurylymdy damytýǵa 697,4 mln teńge bólinip otyr. Josparda navıgasııalyq nysandary bar 10 taý marshrýtyn qurý, jetý qıyn jerlerde kún panelderi bar 3 kempıng-aımaqtardy jaılastyrý, «Alma-Arasan» shıpaly bulaǵyn jańartý, týrıstik nysandardyń taktıldi úlgilerin daıyndaý, aqparattyq ortalyqtarǵa, totemder men termınaldarǵa qyzmet kórsetý kiredi.
О́tken jyly Almaty qalasynyń týrızm basqarmasy on baǵytty, atap aıtqanda, «Tuıyq sý» alplagerine aparatyn soqpaq joldy, Iýnnat kóli – Býtakovka – Orman asýyn, Iýnnat soqpaqtaryn, «Aqqaıyń» shıpajaıy – Kishi Almaty shatqalyn, ÚAО́ – Pogrebeskıı shyńyn, Tuıyq sý alplageri – «Tuıyq sý» muzdyǵyn, Býtakovka shatqalynda 2 shaqyrymdyq soqpaqty abattandyrýdy aıaqtady. О́zenderge ótkel jasalyp, múgedektigi bar azamattarǵa arnalǵan oryndyqtar men sákiler ornatyldy. Medeýdegi baqylaý palýbasy men Qarakúngeı jotasy («Serkebaı» sheńberi) jańǵyrtyldy.
Almatynyń taýdaǵy týrıstik baǵyttaryn abattandyrýdaǵy júıeli qadamdar ózin-ózi aqtaı bastaǵany qýantady. Munyń jarqyn mysaldardyń biri – taý týrızmin jaqsartý jónindegi keshendi jumystar aıasynda 2023 jyly Malysh shyńynda ornatylǵan oryndyq. Malysh shyńy týrıster men tabıǵat áýesqoılary arasynda óte tanymal. Biraq bul baǵytqa qyzyǵýshylyqty arttyrýǵa qosymsha ekpin qajet bolǵandyqtan, qazir osy oryndyqtar kádimgideı ájetke jarap, týrıster damyldaıtyn ádemi mekenge aınalyp shyǵa keldi.
ALMATY
