Sýret: qazaqadebieti.kz
Statıstıkalyq zertteý málimetterine kóz júgirtsek, 2021 jyldan bastap 2024 jylǵy 1 qarashaǵa deıin ataýly áleýmettik kómek alýshylar qurylymyn taldaý barlyq sanat boıynsha aıtarlyqtaı qysqarǵanyn ańǵarýǵa bolady. Kómek alatyn otbasylardyń jalpy sany úsh ese azaıdy, olardyń arasynda áıelder men balalar sany kemigen. Ataýly áleýmettik kómek alatyn kópbalaly otbasylardyń sany da eki ese qysqarǵan, bul sońǵy 3,5 jylda tólemge qatysýshylardyń jalpy azaıǵanyn kórsetedi.
Jumyspen qamtylǵan halyqtyń qurylymynda jaldamaly jumysshylar basym. Bul sanat otbasy jaǵdaıy boıynsha barlyq toptarda, onyń ishinde buryn-sońdy nekege turmaǵan, nekede turatyn, ajyrasqan jáne jesir/tul qalǵandardy qosa kórsetedi. О́zin-ózi jumyspen qamtyǵandar men eńbek qyzmetiniń basqa túrleri ókilderiniń sany aıtarlyqtaı az. Statıstıkalyq málimetterge súıensek, el azamattarynyń 7,8%-ynyń tabysy joq. Halyq qurylymynda tabysy ortasha úı sharýashylyqtary eń kóp, al tabysy tómen toptar azyraq úlesti quraıdy. Halyqtyń ishinde aýqatty toptar mańyzdy oryn alady, biraq eń az úles eń joǵary tabys sanatyna jatady.
Elimizde balalary bar, eńbekke jaramdy jastaǵy áıelder eńbek naryǵynda qalýǵa talpynyp jatyr. Ekonomıkadaǵy ózgerister balanyń dúnıege kelýine baılanysty bilikti mamandardyń eńbek naryǵynan ketpeýin talap etedi. Sondyqtan otbasylardyń balany erte oqytý jáne tárbıeleý sapasyna zııan keltirmeý úshin jumys isteý jáne balalarǵa qaraý múmkindigin qamtamasyz etý qajet.
Bekzat Qurmanqyzy,
sarapshy
