Májilismender el ekonomıkasynyń naqty máselelerin sheshý men azamattardyń ál-aýqatyn arttyrýdy kózdeıtin maqsat-mindetterdiń mańyzyn atap ótti.
Májilis spıkeri, «Amanat» partııasynyń tóraǵasy Erlan Qoshanov Prezıdent qazirgi jahandyq syn-qaterlerdi eskere otyryp, jańa aýqymdy jańǵyrtý bastamasyn usynǵanyn atap ótti. Onda iri ınfraqurylymdyq jobalar, sıfrlandyrý jáne jasandy ıntellekt, atom energetıkasyn damytý, AО́K-ti nyǵaıtý, ınvestısııa tartý máseleleri qamtyldy.
«Prezıdent usynǵan reformalar ekonomıkadaǵy, ózge de salalardaǵy burynnan bar máselelerdi sheshýge múmkindik beredi. «Amanat» partııasy elimizdiń jetekshi saıası kúshi retinde Memleket basshysynyń barlyq tapsyrmasyn júıeli júzege asyrýdyń qozǵaýshy kúshine aınalýǵa tıis. Onyń bári azamattardyń turmysyn jaqsartýǵa baǵyttalǵan. Biz reformalardyń ilgeri bastaıtyn qadam ekenin qoǵamǵa durys jetkizip, otandastarymyzdy Qasym-Jomart Toqaev ustanǵan baǵyt tóńireginde toptastyrýymyz kerek», dedi ol.
Sondaı-aq partııa tóraǵasy Úkimettiń QQS mólsherlemesin arttyrý men ony qoldaný shegin tómendetý jónindegi usynysy aıasynda jańa Salyq kodeksin ázirleý boıynsha atqarylyp jatqan jumys tásilderine egjeı-tegjeıli toqtaldy. Beıindi komıtet halyqaralyq tájirıbeni, sondaı-aq onyń ekonomıka men bıznes-ortaǵa áserin saralaı otyryp, osy normalar boıynsha naqty ustanym ázirleýge tıis.
Sonymen qatar qysqa merzimde depýtattar jer qoınaýyn paıdalanýshylar úshin túsinikti jáne ashyq zańnamalyq negiz qurý, ekonomıkany ártaraptandyrý, ınfraqurylymdy, energetıka men aýyl sharýashylyǵyn damytý jóninde sharalar qabyldaýy kerek. Bul qadam elimizge shetel ınvestısııasyn tartýǵa jáne qosymsha jumys oryndaryn qurýǵa jol ashady.
Buǵan qosa E.Qoshanov ákimder korpýsy atqaratyn jumystyń tıimdiligin arttyrý máselesine basa nazar aýdardy.
«Memleket basshysy saılanǵan ákimder men túrli deńgeıdegi basshylardy keshendi daıyndyqtan ótkizýdiń mańyzyn atap ótti. Prezıdent «Ákimder mektebi» oqytý jobasyn iske qosýdy tapsyrdy. Sonymen qatar ol osyndaı jumys júrgizip jatqan «Amanat» partııasynyń tájirıbesin erekshe atap ótti. Saılanǵan ákimder saılaýshylardyń senimin aqtaýǵa, atqarýshy bılik júıesinde jumys isteý úshin qajetti quziretke ıe bolýǵa tıis. Partııa Úkimetpen birge osy mindetti oryndaýǵa daıyn», dedi Májilis spıkeri.
Jıyn barysynda Prezıdent tapsyrmalaryn júıeli júzege asyrý isine qatysty partııa fraksııasynyń músheleri de sóz sóıledi. Nurtaı Sabılıanov ınvestısııalyq ahýaldy jaqsartý jónindegi is-sharalar týraly baıandady. Ashat Aımaǵambetov MÁMS júıesin jańǵyrtý jáne bilim berý salasyn odan ári damytý máselesine toqtaldy. Erlan Saırov álemdik saıasattaǵy ózgeristerge beıimdelýge jáne Prezıdent tapsyrmalaryn iske asyrý jónindegi jumysqa qoǵamdy barynsha kóp tartýǵa shaqyrdy. О́z kezeginde Bolatbek Najmetdınuly aýyl sharýashylyǵynda barynsha tıimdi daqyldardy ósirýge basymdyq berilýi kerek ekenin jetkizdi. Dúısenbaı Turǵanov elimizde birneshe AES salýdyń mańyzyn atap ótti. Al Tatıana Saveleva tıimsiz shyǵyndardy ońtaılandyrýǵa jáne bıýdjet qarajatyn tolyq únemdeý qaǵıdatyna kóshýge toqtaldy.
Jıyndy qorytyndylaı kele, Májilis spıkeri «Amanat» fraksııasy Prezıdent alǵa qoıǵan mindetterdi iske asyrýǵa quqyqtyq negiz bolatyn zańdardyń ýaqtyly ári sapaly ázirlenýin qamtamasyz etýge tıis ekenin atap ótti. Barlyq zań qoǵamnyń ustanymyn jáne ekonomıkadaǵy problemalardy naqty sheshýdi eskere otyryp qabyldanýy kerek. Bul – depýtattardyń halyq pen Memleket basshysy aldyndaǵy tikeleı jaýapkershiligi.
