Kollajdy jasaǵan – Qonysbaı ShEJIMBAI, «EQ»
Dárilik preparattardyń baǵasyn qalyptastyrý úderisi tolyǵymen sıfrlandyrylǵan. О́tinish berýshige baǵa belgileýmen aınalysatyn sarapshylarmen tikeleı baılanysýdyń qajeti joq. Qazirde bıznes úderisterdi qaıta qurýǵa erekshe nazar aýdarylyp otyr. Sebebi aldyńǵy júıe 5 jylǵa deıin sozylýy múmkin úderistiń kólemi men uzaqtyǵy úshin synǵa ushyraǵan edi. Densaýlyq saqtaý mınıstrligi jumysty úılestirý barysynda sıfrlyq tehnologııalardy, «bir tereze» qaǵıdatyn paıdalana otyryp, farmasevtıkalyq naryqqa qatysýǵa ótinish berýshilerge barynsha jaǵdaı jasaýǵa umtylyp otyr. Munyń jaı-japsaryn Densaýlyq saqtaý vıse-mınıstri Erjan Nurlybaev baspasóz máslıhatynda aıtyp berdi.
«Bir tereze» qaǵıdaty boıynsha qaıta qurý (reınjınırıng) júrgizildi. Nátıjesinde, ótinish berýshi túpkilikti tirkeý kýáligin alady. Dárilik preparattyń shekti qunyn anyqtaýdan, ótinish berýshiniń ótinishine sáıkes berilgen ótinimdi eskere otyryp, barlyq qolda bar tizimderge, ıaǵnı ulttyq formýlıar, ambýlatorııalyq dári-dármekpen qamtamasyz etý tizimi, SQ-Farmasııanyń biryńǵaı dıstrıbıýtory nomenklatýrasynyń tizbesi engizýden birden ótedi. Osylaısha, baǵa belgileý tetigi bıyl iske asady, ony qyrkúıekte tanystyramyz», deıdi E.Nurlybaev.
Dári-dármek baǵasyn qalyptastyrý úderisiniń úlgisin jańǵyrtý qazirdiń ózinde kezeń-kezeńimen iske asyp jatyr. Nátıjesinde, barlyq rásimdi ońtaılandyrý men avtomattandyrýdy qosa alǵanda, dárilik zattardy tirkeý úderisterin qaıta qurý – preparattardyń naryqqa shyǵý ýaqytyn 5 jyldan 2 jylǵa deıin qysqartýǵa múmkindik beredi.
«SQ-Farmasııa» ótinim berýshi kompanııanyń aldyn ala qorytyndysyna sáıkes 1727 dárilik preparat ataýyn satyp alý qajet bolsa, onyń 1581-i boıynsha jetkizý sharttary jasalǵan. Sáıkesinshe, 4 qańtardan taýarlar berile bastaǵan. Biryńǵaı dıstrıbıýtor dári-dármekpen qamtamasyz etýdi múmkindiginshe erte bastaýy qajet barlyq is-sharalardy qabyldaǵan. Basqa preparattarǵa qatysty satyp alý úderisteri jalǵasyp jatyr. Bólingen qarajattan 57 mlrd teńge únemdelgen, alda bul soma ulǵaıady. Únemdelgen qarajat halyqty dárilik preparattardyń qajetti kólemimen qamtamasyz etýge jumsalady.
«Memleket basshysynyń tapsyrmasymen dárilik preparattardyń azaıtylmaıtyn qoryn anyqtaýǵa qarjy bólindi. Qajetti dári-dármek satyp alynady. Jyl sońynda, ótpeli kezeńde, osy qor esebinen el azamattaryn dárilik preparattarmen úzdiksiz qamtamasyz etetin bolamyz», dedi E.Nurlybaev.
Dárilik preparattarǵa ótinimderdi qalyptastyrý úderisterin olardy derbestendirilgen esepke alý qajettigine qaraı sıfrlandyrýǵa erekshe nazar aýdarylǵan. Iаǵnı ótinimdi ýchaskelik terapevter jasaı bastaıdy. Osylaısha, taǵaıyndalǵan emge sáıkes jekelegen pasıentke jyldyq ótinim qalyptasady. Odan ári kaskadtyq ádispen qalyptastyrý emhanalar, qala, oblys bólinisinde dárilik qamtamasyz etýdiń aqparattyq júıesinde júrgiziledi. Preparatty pasıentke berý kezinde sáıkestendirý ádisteri, onyń ishinde bıometrııalyq tehnologııalardyń kómegi paıdalanylady. Azamattardyń múmkindikteri men jas ereksheligin eskere otyryp, birneshe ádis-tásil qoldanylady. Bul birinshi kezekte emhanadan dári-dármek alyp júrgen sozylmaly syrqaty bar pasıentterdiń ýaqytyn únemdeıdi. Olar endi sarylyp kezek kútpeıdi.
