Fort-Shevchenko qalasynda keme jóndeý kásiporny salynýda

AQTAÝ. 2 mamyr. Mańǵystaý oblysy Fort-Shevchenko qalasynda Kaspıı teńizinde júzetin kemelerdiń barlyq túri jóndeletin bolady. Bul týraly egemen.kz tilshisi habarlady. Indýstrııaldy-ınnovasııalyq damýdyń ekinshi besjyldyǵyna kiretin jobany «Saǵa atash» keme jóndeý-qurylys kásiporny qolǵa almaq. Kásiporyn basshylyǵy kemelerdi jóndeýge, qalpyna keltirýge múmkindik beretin jańa dokty ornatyp qana qoımaı, keme qurylysymen de aınalysýdy josparlaýda. Keleshekte atalǵan kásiporynda otandyq keme óndirisi damýy múmkin. О́ndiristi jańǵyrtýǵa kemesin jóndeý isine suranystyń artýy sebep bolǵan. Mamandar jańa jobaǵa 20 mln. dollar qarajat jumsalady degendi alǵa tartýda. «Bolashaqta Kaspıı teńizinde paıdalanylatyn barlyq kemege qyzmet kórsetýge múmkindik beretin 8,5 myń tonnalyq júkti kóterýge qaýqarly dok satyp alýdy josparlap otyrmyz. Korpýsty mehanıkalyq seh turǵyzǵan soń, kemeni ózimiz jasap shyǵaratyn bolamyz», – deıdi «Saǵa atash» kásiporny dırektorynyń orynbasary Saqyn Aǵaev. Qazir óndiriste 90 adam eńbek etedi. Keleshekte keme jóndeý kásipornynyń qyzmetin keńeıtý, jańa jumys oryndaryn ashyp, jumysshylar sanyn 200-ge deıin arttyrý josparda bar. Gúlaıym Shyntemirqyzy. Derek, sýret: egemen.kz.