Otbasyny qoldaý ortalyqtary kóbeıip keledi

Osylaısha, birneshe jyldyń ishinde Prezıdent bastamasymen balalarǵa arnalǵan birqatar reformalyq ózgeris­ter, zańdar, baǵdarlamalar qabyldandy. Mysal retinde «Ulttyq qor balalarǵa» baǵdarlamasyn, «Jaıly mektep» jobasyn, «Qazaqstan halqyna» qorynyń 67 áleý­mettik mańyzy bar jobalaryn aıta alamyz. Birneshe jyldyń ishinde «Qazaqstan halqyna», «Samuryq-Qazyna­nyń» qamqorlyq qorlary 52 ońaltý or­talyǵyn ashty. Sonymen qatar áıelder men balalar quqyqtaryna qatysty zań qabyldandy. Zańdaǵy túzetýlerdiń 60 paıyzy balalarǵa baǵyttalǵan.

Ekinshiden, qamqorshylyq qyzmet­terine qatysty zańǵa da ózgertýler men túzetýler engizildi. Eger áıelder men balalar quqyqtaryn qorǵaýǵa, qaýipsizdigin qamtamasyz etýge qatysty zańnyń berip jatqan nátıjesine kóz júgirtsek, zańnyń qabyldanǵanyna da kóp bola qoımaǵanyna qaramastan, birqatar oń ózgeristi atap ótýge bolady. Máselen, el aýmaǵynda qazirdiń ózinde 87 otbasyn qoldaý ortalyǵy ashyldy. Olarǵa balalar quqyqtarynyń buzy­lýynyń aldyn alýda, otbasylarǵa áleý­mettik, zańdyq, psıhologııalyq qol­daý kórsetýde óte mańyzdy mindetter júk­telgen. Jalpy, taǵy da osyndaı 125 orta­lyq ashý baǵy­tynda jumystar qolǵa alyn­dy. Munyń túpki maqsaty – qysymǵa ushy­raǵan, kómekke muqtaj barlyq otbasyny qoldaý sharalarymen tolyq qamtý. Iаǵnı qoldaýǵa zárý otbasylardyń eshqaısysy memleket usynyp jatqan jobalardan, baǵdarlamalardan tys qalmaýy kerek.

Problemalyq otbasylardy baqy­laý maqsatynda 45 myń reıd uıym­das­tyryldy. Barlyq oblysta psıho­logııalyq qoldaý ortalyqtary ashyldy. Jaqynda balalardyń quqyqtaryn qorǵaý bólimderi de ashylmaq.

Sondaı-aq IýNISEF-te Qazaq­stannyń balalardy qorǵaý jónindegi jumystaryn joǵary baǵalap otyr.

Dınara ZÁKIEVA,

Bala quqyqtary jónindegi ýákil