Oraldyń «Aqjaıyq» komandasynyń eks-oıynshysy Sırııada júr

ASTANA. 3 mamyr. «Aqjaıyq» fýtbol komandasynyń burynǵy oıynshysy Aıbek Gýbaıdýllın halyqaralyq izdeýde júr. Degenmen, tártip saqshylary Aıbektiń osy kezde Sırııa eliniń aýmaǵynda júrgenin málimdedi. Bul týraly Batys Qazaqstan oblysy ishki ister departamentiniń baspasóz qyzmeti habarlady. Aıbek Gýbaıdýllınge osy jyldyń 12-qańtarynda izdeý jarııalanǵan bolatyn. Polıseılerdiń aıtýynsha ol Sırııa aýmaǵyndaǵy áskerı qaqtyǵysqa qatysy bar kórinedi. Sol sebeptende quqyq qorǵaý organy eks-oıynshyny terrorlyq áreketpen baılanystyryp, Qazaqstan Respýblıkasy qylmystyq kodekstiń 257-baby, 2-tarmaǵy boıynsha kúdikti dep tanyǵan. Degenmen, polıseıler ony ázirge ustaı almaı otyr. Olardyń aıtýynsha kúdikti Sırııa aýmaǵyndaǵy terrorlyq topqa qosylǵan. Aıta keteıik, Aıbek Gýbaıdýllınge Qazaqstan Respýblıkasy Qylmystyq kodekstiń 233-baby, 2-tarmaǵy boıynsha aıyp taǵylyp, 31-jeltoqsanynda qamaýǵa alý jóninde sanksııa berilgen. Alaıda, polıseıler sol kúni kúdiktini tutqyndaı almaǵan. О́ıtkeni, ol–Qazaqstannan izin sýytyp úlgergen. Talǵat Raıymbek. Derek: Batys Qazaqstan oblysy IID baspasóz qyzmeti. Sýret: «Moı gorod»