Grýzııada Qorǵanys mınıstrligin áıel adam basqaratyn boldy

ASTANA. 3 mamyr. Grýzııa tarıhynda alǵash ret qorǵanys mınıstri qyzmetine áıel adam taǵaıyndalady. Bul týraly TASS habarlady. Grýzııa premer-mınıstri Iraklıı Garıbashvılı úsh mınıstrliktiń basshysy aýysatynyn aıtty. Ol Qorǵanys mınıstrligine Tına Hıdashelıdi usynsa, jastar isi jáne sport mınıstri qyzmetine Tarıel Hıchıkashvılı taǵaıyndalmaq. Al Qorshaǵan ortany qorǵaý jáne tabıǵı resýrstar mınıstrligin Gıgla Agýlashvılı basqaratyn boldy. «Tına Hıdashelı eýroıntegrasııa boıynsha parlament komıtetiniń tóraıymy. Onyń saıasatta, sonyń ishinde áskerılerdiń quqyǵyn qorǵaý salasynda tájirıbesi mol», – deıdi Garıbashvılı. 41 jastaǵy Hıdashelıdiń mamandyǵy zańger. 2012 jyldyń qazan aıynan bastap parlament depýtaty, osy jyldyń naýryz aıynan eýroıntegrasııa boıynsha parlament komıtetiniń tóraıymy qyzmetterin atqaryp keledi. Alaıda, Grýzııa prezıdenti Georgıı Margvelashvılı mınıstrlerdi taǵaıyndaýdy 1 apta keıinge shegerdi. Ol qorǵanys mınıstriniń sońǵy kezde jıi aýysqanyn synǵa aldy. Sondaı-aq, parlament pen premer-mınıstrge sońǵy bir aptada úkimet múshelerin tolyq jasaqtaý týraly tapsyrmalar júktedi. Tına Hıdashelı álem boıynsha qorǵanys mınıstri qyzmetine taǵaıyndalatyn 6-shy názikjandy ekenin aıta keteıik. Búginge deıin mundaı jaıt 5 ret tirkelgen. Elaman Qońyr. Derek: TASS. Sýret: polit.ru.