Osy jyldyń 1-5 aqpany aralyǵynda Dýbaı qalasynda arnaıy kúshterdiń 6-shy halyqaralyq týrnıri ótken bolatyn. Jyldam qımyldaıtyn arnaıy jasaq ınspektory, polısııa kapıtany Laýra Tólekova Ishki ister mınıstrliginiń arnaıy maqsattaǵy bólinisteriniń áıel qyzmetkerlerinen quralǵan «Tomırıs» komandasynyń quramynda úzdik óner kórsetti,
SWAT Challenge halyqaralyq jarysynda 100-den astam eldiń kúshtik qurylymdary arnaıy bólinisteriniń qyzmetkerleri baq synasqan. Bıyl alǵash ret bul jarysta erlermen qatar qatysqan áıelder qıyn tapsyrmalardy oryndap shyqty.
Jarystyń úshinshi kúniniń qorytyndysy boıynsha 50-den asa komandany basyp ozǵan «Tomırıs» komandasy barlyq synaqtan sátti ótip, erler komandalarymen terezesi teń óner kórsetti. Polıseı qyzdardyń ábjil qımyly arqasynda áıelder arasynda Qazaqstan quramasy ekinshi oryndy ıelendi.
