Foto: OKQ
R.Zulhaırovtyń aıtýynsha polısııa profılaktıkalyq áńgimelesýden bastap qylmystyq jaýapkershilikke tartýǵa deıin barlyq aldyn alý sharalarynyń keshenin qabyldaıdy. Alaıda, statıstıka kórsetkendeı, jyl saıyn polısııaǵa turmystyq zorlyq-zombylyq týraly shamamen 100 myńnan astam habarlama kelip túsedi eken.
Eske salaıyq, áıelder men balalarǵa qatysty zorlyq-zombylyq úshin jaýapkershilikti kúsheıtip, jaǵdaıdy túzeý úshin byltyr Memleket basshysy áıelderdiń quqyqtary men balalardyń qaýipsizdigin qamtamasyz etý máseleleri jónindegi zańǵa qol qoıǵany málim.
«2024 jyldyń qorytyndysy boıynsha el boıynsha uryp-soǵý jáne densaýlyqqa jeńil zııan keltirgeni úshin 7 myńǵa jýyq qylmystyq is tirkeldi, buǵan deıin atalǵan áreketterge barǵandar ákimshilik jaýapkershilikke ǵana tartylǵany málim. Biz neǵurlym aýyr turmystyq qylmystardy 2,2%-ǵa, onyń ishinde kisi óltirýdi 6,4%-ǵa, densaýlyqqa aýyr zııan keltirýdi 25,5%-ǵa jáne densaýlyqqa ortasha aýyr zııan keltirýdi 12%-ǵa tómendetýge qol jetkizdik», dedi spıker.
IIM elimizde áıelder men balalarǵa qatysty zorlyq-zombylyq úshin jaýapkershilik kúsheıtilgenin eske saldy. Atap aıtqanda:
- kámeletke tolmaǵanǵa qatysty zorlyq - zombylyqqa baılanysty qylmystar boıynsha tatýlasý múmkindigi alynyp tastaldy;
- jas adamdy zorlaǵany úshin ómir boıyna bas bostandyǵynan aıyrý qarastyrylǵan;
- urlaý jáne zańsyz bas bostandyǵynan aıyrý úshin jaýapkershilik kúsheıtildi;
- 16 jasqa tolmaǵan adamdarǵa jynystyq sıpattaǵy qatelik jasaǵany úshin qylmystyq jaýapkershilik engizildi;
- densaýlyqqa qasaqana jeńil zııan keltirip jáne uryp-soqqany úshin qylmystyq jaýapkershilikke tartylady.
