Foto: gov.kz
Qazir sý tasqynynyń aldyn alý qamy jasalyp jatyr. Osy kezge deıin soǵylǵan bógetter rekonstrýksııalanyp, qalypqa keltirilgen. Qajetti qarjy qarastyrylǵan. Materıaldyq-tehnıkalyq rezervter tolyq jınaqtalyp tur.
«Jol ınfraqurylymyn qalypqa keltirý aıasynda úkimettik rezerv qarjysy men jergilikti bıýdjet esebinen 30 shaqyrym jol jóndelip, 4 kópir qalpyna keltirildi. Jol boıynda 13 mal ótkeli salynyp, buryn sý shaıyp ketken 49 ýchaskege sý ótkizý qubyrlary qondyryldy», dedi Serik Shápkenov.
Ákimniń deregine súıensek, sý tasqynyna qarsy sharalar aıasynda Jylyoı aýdanyndaǵy Jem ózeni men Qursaı arnasynyń túbin tereńdetý jalǵasyp jatyr. Jobaǵa sáıkes 95 shaqyrym túptiń 80,3 shaqyrymy tereńdetilgen.
«Josparlanǵan 61 shaqyrym bógettiń 29 shaqyrymy soǵyldy. Qyzylqoǵa aýdanynyń 9 aýyldyq okrýgi men 5 eldi mekeninde 41,9 shaqyrym bóget nyǵaıtylyp jatyr. Inder aýdanynda qoldanystaǵy 34,5 shaqyrymdyq bógettiń qorǵanystyq qurylystary kúsheıtildi. Mahambet aýdanynda 105 shaqyrym bóget salyndy. Bıyl qosymsha 29,9 shaqyrym bóget nyǵaıtylyp, 12,4 shaqyrym jańa bóget turǵyzylady», dep málimdedi Serik Shápkenov.
