Grýzınder orys baıkerlerin «Georgıı lentasyn» sheshýge májbúrledi

ALMATY. 3 mamyr. Tbılısı polısııasy eldegi «Erkin aýmaq» atty memlekettik emes uıymnyń qozǵalys belsendilerin qamaýǵa aldy. Eriktiler respýblıka aýmaǵyna kelip kirgen reseılik baıkerlerge motosıklge baılaǵan georgıevtik lentany óz qoldarymen sheshýge májbúrlegen. Odan soń lentany aıaqtyń astyna salyp, taptaǵan. Bul týraly «Grýzııa onlaın» habarlady. Qalalyq polısııa qozǵalys belsendilerimen 20 mınýttyq túsindirý áńgimesin ótkizgen soń, bosatqan. Orys baıkerlerine kúsh kórsetkender ishinde grýzııalyq jas jigit Iraklıı Kantarııanyń esimi dúrkirep tur. Sebebi ol – Reıhstagqa Tý tikken keńestik jaýyngerlerdiń biri – ataqty Melıton Kantarııanyń nemeresi. Birqatar basylymdar Reseıge qarsy bul naýqannyń áreketin «Ulttyq birlesý partııasynyń» is-qımyldarymen baılanystyp otyr. Ol partııanyń jetekshisi Grýzııanyń eks-prezıdenti Mıhaıl Saakashvılı bolyp tabylady. Talǵat Súıinbaı. Derek, sýret: «Grýzııa onlaın».