Oblys ákimdiginiń baspasóz qyzmeti keltirgen derekke júginsek, jańa sport kesheniniń qurylysy «Aýyl – El besigi» baǵdarlamasy aıasynda júrgizilgen. Jobanyń quny – 446 mln 774 myń teńgeni quraıdy. Eki qabatty ǵımaratta aýyl balalarynyń kúres, boks, fýtbol, basketbol, voleıbol sekildi sport túrlerimen shuǵyldanýyna barlyq múmkindik qarastyrylǵan.
Jalpy alǵanda Jambyl aýdanynda sońǵy jyldary sportty damytýǵa aıryqsha nazar aýdarylyp otyr. Jergilikti atqarýshy bılik ókilderiniń aıtýynsha, aldaǵy ýaqytta Tastóbe aýylynda da dál osyndaı sport kesheni boı kóteredi.
Resmı derekke súıensek, ótken jyly Jambyl oblysynda 115 sport nysany paıdalanýǵa berilgen. Onyń ishinde 9 dene shynyqtyrý –saýyqtyrý kesheni, 3 sport kesheni, jáne 103 sport alańshasy bar. Atalǵan sporttyq nysandardyń keıbiri demeýshiler esebinen salynǵan. Atqarylǵan jumystyń nátıjesinde óńir halqynyń sporttyq ınfraqurylymmen qamtylýy 68,3 paıyzǵa jetken. Qazirgi kezde oblys halqynyń 41,2 paıyzy buqaralyq sportqa tartylǵan.
